قازاقستاندىق ارالاس جەكپە-جەك شەبەرى شاۆكات راحمونوۆ پرەزيدەنت قاسىم-جومارت توقاەۆپەن كەزدەسۋدىڭ جاي-جاپسارىن ايتتى, دەپ حابارلايدى Egemen.kz.
بۇعان دەيىن مەملەكەت باسشىسى راحمونوۆتى اقوردادا قابىلداعان ەدى. سونىمەن قاتار شاۆكات ءلايلا سۇلتانقىزىنا بەرگەن سۇحباتىندا پرەزيدەنتپەن نە جايلى سويلەسكەنىن ايتتى.
ء«بىز ءبىر-ءبىرىمىزدى ەندى عانا جاقسى بىلدىك. مەن كوپ سۇراق قويعان جوقپىن, ويتكەنى ونىمەن ءبىرىنشى رەت كەزدەسىپ وتىرمىن. ءبىز پرەزيدەنتپەن UFC-ءدى قازاقستاندىق تەلەارنالاردا كورسەتۋ مۇمكىندىگىن تالقىلادىق. مەنىڭ جەكپە-جەگىم بولسىن, باسقا جىگىتتەردىڭ دوداسى بولسىن. جانكۇيەرلەر وتە ۇزاق كۇتتى. بىراق ءبىزدىڭ ارنالاردان جەكپە-جەك كورسەتىلمەدى. ترانسلياتسيالار بار, بىراق ولاردى اركىم ساتىپ الا المايدى. تەلەديدارىمىزدان كورسەتىلسە دۇرىس بولاتىنىن ايتتىق», دەدى شاۆكات.
راحمونوۆ UFC باسشىسى دانا ۋايتپەن دە وسىنداي ديالوگ جۇرگىزگەن ەدى.