مەملەكەت باسشىسى سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اسحات جۇماعاليدىڭ ەلىمىزدەگى جەمقورلىققا قارسى ءىس-قيمىل شارالارى جونىندەگى ەسەبىن تىڭدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اسحات جۇماعاليدىڭ مالىمەتىنشە, ءبىرىنشى توقساندا 500-دەن استام جەمقورلىق قىلمىس تىركەلىپ, 400-دەن اسا تۇلعانىڭ جەمقورلىق ارەكەتى اشكەرەلەنگەن. ونىڭ 53-ءى ءارتۇرلى دەڭگەيدەگى باسشىلار.
بيىل 23 قاڭتاردان باستاپ شاعىن جانە ورتا كاسىپكەرلىكتى دامىتۋ جولىنداعى اكىمشىلىك كەدەرگىلەردى جويۋعا باعىتتالعان «بيزنەسكە جول» جوباسى ىسكە قوسىلعان. جوبا اياسىندا شامامەن 7 مىڭ كاسىپكەر كومەك الىپ ۇلگەرگەن.
بيىل سىبايلاس جەمقورلىققا قارسى قىزمەت سىبايلاس جەمقورلىققا اكەپ سوقتىراتىن قاتەرلەردى جويۋعا قاتىستى 769 ۇسىنىم مەن ۇسىنىس ەنگىزىلگەن.
پرەزيدەنت جەمقورلىققا يتەرمەلەيتىن جۇيەلى سەبەپتەر مەن جاعدايلاردى جويۋ اسا ماڭىزدى ەكەنىن اتاپ ءوتتى. سونىمەن قاتار مەملەكەت باسشىسى جوعارى لاۋازىمدى تۇلعالار اراسىنداعى سىبايلاس جەمقورلىقتى انىقتاۋعا جانە ونىڭ جولىن كەسۋگە باسا ءمان بەرۋدى تاپسىردى.