استانا قالاسىنىڭ پروكۋراتۋراسى جەر قاتىناستارى سالاسىنداعى زاڭدىلىقتى ساقتاۋ بويىنشا تۇراقتى نەگىزدە شارالار قابىلدايدى. 2012 جىلعى 11 ساۋىردە وتكىزىلگەن «استانا قالاسىن ودان ءارى دامىتۋ جونىندەگى شارالار تۋرالى» كەڭەيتىلگەن كەڭەستە مەملەكەت باسشىسىنىڭ بەرگەن تاپسىرمالارىن ورىنداۋ ماقساتىندا استانا قالاسىنىڭ پروكۋراتۋراسى جان-جاقتى تەكسەرىستەر جۇرگىزدى.
مەملەكەت باسشىسىنىڭ جوعارىدا كورسەتىلگەن تاپسىرمالارىن ورىنداۋ ءۇشىن استانا قالاسى پروكۋرورىنىڭ وكىمىمەن قالا پروكۋراتۋراسى ورگاندارى مەن جەرگىلىكتى اتقارۋشى ورگاندارىنىڭ باسشىلارى جانە جاۋاپتى قىزمەتكەرلەر قاتارىنان جوعارىدا كورسەتىلگەن تەكسەرۋلەردى جۇرگىزۋ بويىنشا جۇمىس توبى قۇرىلدى.
وسى تەكسەرۋ شەڭبەرىندە يگەرىلمەگەن جەر تەلىمدەرىن انىقتاۋ جانە مەملەكەت مەنشىگىنە ولاردى قايتارۋ بويىنشا شارالاردى قابىلداۋعا ەرەكشە نازار ءبولىندى. سونىمەن, قالا پروكۋراتۋراسى كاداسترلىق قۇنى 909,6 ملرد.تەڭگە اۋدانى 15,3 مىڭ گەكتار 828 يگەرىلمەگەن جەر تەلىمىن انىقتادى. ونىڭ ىشىنەن 129 جەر تەلىمى (اۋدانى 4,8 مىڭ گا, كاداسترلىق قۇنى 394,3 ملرد.تەڭگە) مەملەكەت مەنشىگىنە قايتارىلدى. ال 67 جەر يەلەرى (اۋدانى 2,1 مىڭ گا, كاداسترلىق قۇنى 132,2 ملرد.تەڭگە) ءوز جەر تەلىمدەرىن يگەرۋگە كىرىستى. بۇل وسى باعىتتا جۇرگىزىلگەن جۇمىستاردىڭ ءسوزسىز وڭ ناتيجەسى بولىپ تابىلادى.
قالعان جەر تەلىمدەرى بويىنشا, ياعني ولاردى يگەرۋگە باقىلاۋ جاساۋ باعىتىندا جۇمىستار جۇرگىزىلۋدە, ولاردى ماقساتتى قولدانباعان جاعدايدا مەملەكەت مەنشىگىنە قايتارۋعا شارالار قابىلداناتىن بولادى. مىسالى, تەكسەرۋ بارىسىندا اۋىل شارۋاشىلىعى ماقساتىنداعى جەرلەردى (21 جەر تەلىمى, اۋدانى 5 940 گا, كاداسترلىق قۇنى 272 801 374 097 تەڭگە) «مامان سپەتسياليست» اق جەكە تۇلعالارى م.ب.بەيسەمباەۆتىڭ (1 جەر تەلىمى, اۋدانى 299,1 گا, كاداسترلىق قۇنى تەڭگەمەن), ك.س.بەيسەنوۆتىڭ (1 جەر تەلىمى, اۋدانى 128,0 گا, كاداسترلىق قۇنى تەڭگەمەن), م.جاقىپبەكوۆتىڭ (1 جەر تەلىمى, اۋدانى 39,4 گا, كاداسترلىق قۇنى 1 316 748 000 تەڭگە) زاڭسىز يەلەنۋ بويىنشا 3 فاكتىسى انىقتالدى.
پروكۋراتۋرا ورگاندارى جوعارىدا كورسەتىلگەن جەر تەلىمدەرىن مەملەكەت مەنشىگىنە قايتارۋ تۋرالى تالاپ-ارىز ەنگىزدى, ول قازىرگى كۇنى قاناعاتتاندىرىلدى جانە كاداسترلىق قۇنى 275 ملرد. تەڭگە تۇراتىن جالپى اۋدانى 6 367 گا 24 جەر تەلىمى مەملەكەت مەنشىگىنە قايتارىلدى, دەپ حابارلادى استانا قالاسى پروكۋراتۋراسىنىڭ ءباسپاسوز قىزمەتى.