مەملەكەت باسشىسىنىڭ جارلىعىمەن ەربول شىراقپاي ۇلى قاراشوكەەۆ قازاقستان رەسپۋبليكاسىنىڭ اۋىل شارۋاشىلىعى ءمينيسترى لاۋازىمىنا تاعايىندالدى, دەپ حابارلايدى Egemen.kz اقورداعا سىلتەمە جاساپ.
ەربول قاراشوكەەۆ 1976 جىلى الماتى وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن, قازىرگى زامان گۋمانيتارلىق ينستيتۋتىن بىتىرگەن.
ماماندىعى بويىنشا بىلىكتىلىگى — ەكونوميست, ەكونوميكا ماگيسترى, قۇقىقتانۋ باكالاۆرى, باكالاۆر اكادەميالىق دارەجەسى بەرىلگەن مەنەدجمەنت سالاسىنىڭ مامانى.
ەڭبەك جولىن 1998 جىلى قر ستاتيستيكا اگەنتتىگىنىڭ تالداۋ جانە كونيۋنكتۋرالىق زەرتتەۋلەر باسقارماسىنىڭ باس مامانى بولىپ باستاعان, 1999 – 2001 جىلدارى قر پرەزيدەنتى اكىمشىلىگىنىڭ الەۋمەتتىك-ەكونوميكالىق تالداۋ ءبولىمىنىڭ كونسۋلتانتى بولدى.
2001 جىلدان 2003 جىلعا دەيىن كوممەرتسيالىق ۇيىمداردا باسشىلىق لاۋازىمدار اتقاردى.
2003-2006 جىلدارى «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كورپوراتسياسى» اق قارجى دەپارتامەنتىنىڭ ديرەكتورى-باسقارما مۇشەسى.
2006-2007 جىلدارى قر قارجى مينيسترلىگىنىڭ جيىنتىق-تالداۋ دەپارتامەنتىنىڭ ديرەكتورى.
2007 جىلعى قاڭتار-شىلدە ارالىعىندا «قازاگرو» ۇلتتىق باسقارۋشى حولدينگى» اق باسقارۋشى ديرەكتورى.
2007-2009 جىلدارى «اۋىل شارۋاشىلىعىن قارجىلاي قولداۋ قورى» اق باسقارما توراعاسى.
2010-2012 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ «قارجىلىق بۇزۋشىلىقتاردى زەرتتەۋ ورتالىعى» رمك ديرەكتورى.
2012 جىلدان 2013 جىلعا دەيىن «قبتۋ مۇناي-گاز ينجينيرينگى جانە اقپاراتتىق تەحنولوگيالار ينستيتۋتى» جشس باس ديرەكتورى.
2013-2016 جىلدارى «قازاقستاننىڭ تۇرعىن ءۇي قۇرىلىس جيناق بانكى» اق باسقارما توراعاسىنىڭ ورىنباسارى.
2016-2019 جىلدارى قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى.
2019 جىلدىڭ قاڭتار-ءساۋىر ايلارى ارالىعىندا قر قارجى مينيسترلىگى قازىناشىلىق كوميتەتىنىڭ توراعاسى.
2019 جىلدىڭ ساۋىرىنەن 2021 جىلدىڭ ناۋرىزىنا دەيىن «قازاگرو» حولدينگى» اق باسقارما توراعاسى.
2021 جىلدىڭ ءساۋىر-شىلدە ارالىعىندا قر قارجى ۆيتسە-ءمينيسترى.
2021 جىلعى شىلدەدەن باستاپ – قر اۋىل شارۋاشىلىعى ۆيتسە – ءمينيسترى - ءمينيسترىنىڭ مىندەتتەرىن اتقارۋشى.
2021 جىلعى 1 قىركۇيەكتەن باستاپ قازاقستان رەسپۋبليكاسىنىڭ اۋىل شارۋاشىلىعى ءمينيسترى بولىپ تاعايىندالدى.