تۇركىستان بازارىندا ساتىلعان ءدىني ادەبيەتتەر ساراپتاماعا جىبەرىلدى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى تۇركىستان قالالىق پوليتسيا باسقارماسىمەن بىرلەسىپ, ءدىني مازمۇنداعى ادەبيەتتەردى زاڭسىز پايدالانۋ دەرەگىن انىقتادى. ءتارتىپ ساقشىلارى قالا بازارلارىنىڭ ءبىرىن تەكسەرۋ بارىسىندا ءدىني سيپاتتاعى ءۇش كىتاپتى تاركىلەدى. دۇكەننەن الىنعان ادەبيەتتەر ساراپتاماعا جىبەرىلدى.
«اتالعان فاكتى بويىنشا قر اقبتك-ءنىڭ 490-بابى 3-تارماعىنىڭ 1-بولىگى «قازاقستان رەسپۋبليكاسىنىڭ ءدىني قىزمەت جانە ءدىني بىرلەستىكتەر تۋرالى زاڭناماسىن بۇزۋ» بويىنشا تىركەلىپ, تۇرعىنعا اكىمشىلىك حاتتاما تولتىرىلدى», دەلىنگەن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.