اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ جانە «الاتاۋ» ءداستۇرلى ونەر تەاترىنىڭ ۇيىمداستىرۋىمەن «مەنىڭ ءپىرىم – ءسۇيىنباي» ءداستۇرلى VII حالىقارالىق جاس اقىندار ايتىسى وتەدى. جىر دوداسى بيىل ۇلى ابايدىڭ اتىنداعى اتالعان ۋنيۆەرسيتەتتىڭ 95 جىلدىعىنا ارنالادى, دەپ حابارلايدى Egemen.kz.
ايتىستا قىرعىزستان, موڭعوليا, وزبەكستان, قىتاي اقىندارىمەن قاتار ەلىمىزدىڭ بارلىق جوعارعى وقۋ ورىندارىنىڭ ەلۋگە جۋىق جاس جۇيرىكتەرى باق سىنايدى. جاستار الامانىنا ASSYLTAS قوعامدىق قورىنىڭ قۇرىلتايشىسى دۋلات تاستەكەەۆ قارجىلاي قولداۋ كورسەتەدى.
ايتىسقا قر ەڭبەك سىڭىرگەن قايراتكەرى, ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ باسقارما توراعاسى ءجۇرسىن ەرمان, قر مادەنيەت قايراتكەرى, بەلگىلى ايتىسكەر اقىن سەرىك قاليەۆ, «الاتاۋ» ءداستۇرلى ونەر تەاترىنىڭ ديرەكتورى, ايتىسكەر رينات زايىتوۆ, ايتىسكەر اقىن احمەتجان وزبەكوۆ, فيلولوگيا عىلىمدارىنىڭ دوكتورى, پروفەسسور بالتاباي ابدىعازي ۇلى قازىلىق ەتەدى.
ءسوز بايگەسىن ايتىسكەر اقىن, و.دوسبوسىنوۆ اتىنداعى اقىندار مەكتەبىنىڭ جەتەكشىسى شۇعايىپ سەزىمحان ۇلى جۇرگىزەدى.
«مەنىڭ ءپىرىم – ءسۇيىنباي» ءداستۇرلى VII حالىقارالىق جاس اقىندار ايتىسىنىڭ ماقساتى – ايتىس ونەرىن جاستار اراسىندا كەڭىنەن ناسيحاتتاۋ, اقىندىق ءداستۇردى جاڭعىرتۋ, جاس اقىنداردىڭ سۋىرىپسالمالىق قابىلەتتەرى مەن شەشەندىك ونەرىن شىڭداۋ, ولاردىڭ كوپشىلىككە تانىلۋىنا مۇمكۇندىك جاساۋ.
ايتىستىڭ ىرىكتەۋ كەزەڭى 2023 جىلعى 6-ءساۋىر كۇنى, ساعات 10:00-دە «اباي اتىنداعى قازۇپۋ» باس وقۋ عيماراتىنىڭ №225 اكت زالىندا وتەدى (دوستىق 13).
قورىتىندى كەزەڭى 2023 جىلعى 7 ءساۋىر كۇنى, ساعات 14:00-دە «الاتاۋ» ءداستۇرلى ونەر تەاترىندا وتەدى.