استانادا وتەتىن مادەني ءىس-شارالار اڭداتپاسى

28 ناۋرىز كۇنى ساعات 10:00-دەن باستاپ ساكەن سەيفۋللين مۇراجايىندا ءبىر كۇن بويى «قوش كەلدىڭ-ءاز-ناۋرىز» اتتى كورمە وتەدى. ساعات 10:40-تا «الجير» مۇراجاي-مەموريالدىق كەشەنى «ەسىرتكىگە «جوق» دەپ ايت!» ءدارىسىن ۇيىمداستىرادى.

11:00-دە مۋزىكالىق جاس كورەرمەن تەاترىنىڭ ساحناسىندا م.گوركي اتىنداعى ورىس دراما تەاترىنىڭ ارتىستەرى ت.ۋفيمتسەۆتىڭ «ششەلكۋنچيك» ەرتەگىسىن, ال كەشكى ساعات 19:00-دە ۆ. شۋكشيننىڭ «سۆەتلىە دۋمى» اڭگىمەلەرى بويىنشا ساحنالىق قويىلىمىن كورسەتەدى.

ساعات 11:00-دە №1 بۇقارالىق كىتاپحانادا «ماعجان جىرى ماڭگىلىك» اتتى مانەرلەپ وقۋ بايقاۋى وتەدى.

28 جانە 29 ناۋرىز كۇندەرى ساعات 19:00-دە «استانا وپەرا» مەملەكەتتىك وپەرا جانە بالەت تەاترىندا دجاكومو ءپۋچچينيدىڭ «توسكا» اتتى ءۇش اكتىلى قويىلىمىن تاماشالاۋعا بولادى.

ساعات 19:20-دا مەملەكەتتىك اكادەميالىق فيلارمونيا SOLO ديۆەرتيسمەنتىن پلاستيكالىق قويىلىمعا شاقىرادى.

كەشكى ساعات 20:00-دە «جاستار» تەاترىنىڭ ساحناسىندا «سوۆرەمەننيك» جاستار حالىق تەاترى «بەدا وت نەجنوگو سەردتسا» مۋزىكالىق كومەدياسىن قويادى.

29 ناۋرىزدا تاڭعى شوۋ كەزىندە گوركيلىكتەر س.لىگيننىڭ «اي, دا, لەنكا!», ال كەشكى ساعات 19:00-دە ت.لەتتستىڭ «اۆگۋست: گرافستۆو وسەيدج» پەساسى نەگىزىندە «جازدىڭ سوڭى» تراگيكومەدياسىن قويادى.

وسى ۋاقىتتا ق.قۋانىشباەۆ اتىنداعى قازاق مۋزىكالىق-دراما تەاترى «حات» فيلوسوفيالىق دراماسىن قويادى, ال NOMAD City Hall ساحناسىندا الماتى Interius تەاترى ونەر كورسەتەدى.

«جاستار» تەاترى وسى كۇنى «فارەنگەيت بويىنشا 451 گرادۋس» پرەمەراسىن ۇسىنادى. باستالۋى: ساعات 20:00-دە.

30 ناۋرىز كۇنى دە ءتۇرلى ءىس-شارالار ۇيىمداستىرىلعالى وتىر. ساعات 10:00-دە تاريحي-مادەني مۇرانىڭ ساقتالۋىن جانە پايدالانىلۋىن قامتاماسىز ەتۋ ورتالىعى «استانا ەسكەرتكىشتەرى» اتتى ءدارىس وتكىزەدى. ساكەن سەيفۋللين مۇراجايىندا ساعات 11:00-دە دوسمۇحامەد ۇلىنىڭ 140 جىلدىعىنا وراي «الاش ارىسى – حالەل دوسمۇحامەد ۇلى» تاقىرىبىندا كەزدەسۋ وتەدى.

وسى كۇنى كەشكى ساعات 19:00-دە بىرنەشە ءىس-شارا جوسپارلانىپ وتىر. ولاردىڭ قاتارىندا مۋزىكالىق جاس كورەرمەن تەاترىندا ء«شامشى» ميۋزيكلى, «استانا وپەرادا» «قۇپيا نەكە» وپەرا-بۋففاسى دومەنيكو تسيماروزا, Nomad City Hall-دا «Four Seasons» Vivaldi – Max Richter كونتسەرتى, سونداي-اق ق.قۋانىشباەۆ اتىنداعى تەاتردا «ايمان-شولپان» مۋزىكالىق كومەدياسى بار.

سول كۇنى ساعات 20:00-دە «جاستار» تەاترى «ەكزامەن» سپەكتاكلىن كورسەتەدى.

31 ناۋرىز كۇنى كەشكە تامان جۇرتشىلىقتى ءتۇرلى قويىلىمدار مەن كونتسەرتتەر كۇتەدى.

ماسەلەن, 19:00-دە ە.راحماديەۆ اتىنداعى مەملەكەتتىك فيلارمونيادا «پو موتيۆام دانتە…» ۇرمەلى وركەستردىڭ كونتسەرتى وتەدى. ق.قۋانىشباەۆ اتىنداعى تەاتردا ء«لايلى - ءماجنۇن» پوەماسى, QAZAQSTAN وكز-دا – قازاق مەملەكەتتىك سيمفونيالىق وركەسترىنىڭ كونتسەرتتىك باعدارلاماسى كلاۋديا پەررەس فورتەپيانو, مۋزىكالىق جاس كورەرمەن تەاترىندا – «گاۋھارتاس» مۋزىكالىق دراماسى وتەدى. ساعات 20:00-دە «سوۆرەمەننيك» جاستار تەاترى «جاستار» تەاترىنىڭ ساحناسىندا «يدەالنىە نەزناكومتسى» سپەكتاكلىن ورىندايدى.

1 ءساۋىر گوركي اتىنداعى ورىس دراما تەاترىندا ساعات 11:00-دە س.استراحانتسەۆتىڭ «براتەتس ليس ي براتەتس كروليك» ەرتەگىسىن, ال كەشكە ساعات 18:00-دە «جازدىڭ سوڭى» تراگيكومەدياسىن ۇسىنادى.

قۋىرشاقتار تەاترى بۇل كۇنى ساعات 12:00 جانە 14:00-دە جاس كورەرمەندەردى ا.سالاەۆانىڭ «ال سەن الدار كوسەمەن تانىسسىڭ با؟» ەرتەگىسىن قويادى.

1 جانە 2 ساۋىردە ساعات 15:30 جانە 19:00-دە مۋزىكالىق جاس كورەرمەن تەاترىندا «گاۋھارتاس» دراماسى كورسەتىلەدى. ەلوردالىق تسيركتە وسى كۇندەرى ساعات 16.00-دە Sunny Show تسيرك باعدارلاماسى وتەدى.

سەنبى جانە جەكسەنبى كۇندەرى ساعات 17:00-دە «استانا بالەت» تەاترى الەمدىك بالەت جۇلدىزدارىنىڭ قاتىسۋىمەن «كارمەن-سيۋيتا» قويىلىمىن دايىنداپ وتىر.

1 ساۋىردە ساعات 18:00-دە ەلوردالىق فيلارمونيا زالىندا «سلاۆيان بازارى 2023» ىرىكتەۋ وتكىزىلەدى. وسى ۋاقىتتا «استانا وپەرادا» بالالار بالەتىن «اقشاقار جانە جەتى ەرگەجەيلى» اتتى ەكى اكتىدە, ال ق.قۋانىشباەۆ اتىنداعى قازاق تەاترىندا ء«شامشى» ەلەگياسىن تاماشالاۋعا بولادى.

ساعات 19:00-دە «جاستار» سارايىندا «نا گراني» كونتسەرتى وتەدى. ءبىر ساعاتتان كەيىن QAZAQSTAN وكز-دا حورەوگرافيالىق ونەر دەبيۋتانتتارىنان Simmetria زاماناۋي حورەوگرافياسى تۋرالى ءبىر اكتىلى سپەكتاكل وتەدى.

2 ساۋىردە كۇندىزگى ۋاقىتتا سپەكتاكلدەردى ەلوردالىق قۋىرشاق تەاترىندا, «استانا وپەرا» تەاترىندا تاماشالاۋعا بولادى.

ساعات 18:00-دە «جاستار» تەاترىندا ە.امانشاەۆتىڭ «اداسقان ۇلىڭدى جازعىرا كورمە, جاراتقان» دراماسىنىڭ پرەمەراسى وتەدى.