مەملەكەت باسشىسى قاسىم-جومارت توقاەۆ ءال-فارابي اتىنداعى وقۋشىلار سارايىندا ورنالاسقان سايلاۋ ۋچاسكەسىنە بارىپ, قازاقستان رەسپۋبليكاسى ءماجىلىسى مەن جەرگىلىكتى ءماسليحاتتار سايلاۋىندا داۋىس بەردى, دەپ حابارلايدى Egemen.kz اقوردانىڭ رەسمي سايتىنا سىلتەمە جاساپ.
بۇعان دەيىن قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارين جانە پرەمەر-مينيستر ءاليحان سمايىلوۆ پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ سايلاۋىندا داۋىس بەرگەن ەدى.
قر كونستيتۋتسياسىنا سايكەس, پارلامەنت ءماجىلىسى ارالاس سايلاۋ جۇيەسى بويىنشا كونستيتۋتسيالىق زاڭدا بەلگىلەنگەن تارتىپپەن سايلاناتىن 98 دەپۋتاتتان تۇرادى. بىرىڭعاي جالپىۇلتتىق سايلاۋ وكرۋگى اۋماعى بويىنشا, ياعني پارتيالىق ءتىزىم بويىنشا ءماجىلىستىڭ 69 دەپۋتاتى, ءبىر مانداتتى اۋماقتىق سايلاۋ وكرۋگتەرى بويىنشا – 29 دەپۋتات سايلانادى.
19 قاڭتاردا مەملەكەت باسشىسى قاسىم-جومارت توقاەۆ جەتىنشى سايلانعان قر پارلامەنتىنىڭ ءماجىلىسىن تاراتۋ جانە 19 ناۋرىز كۇنى پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويعان ەدى. بۇل كۇنى ماجىلىسپەن قاتار ءماسليحات دەپۋتاتتارىن دا كەزەكتەن تىس سايلاۋ ۇسىنىلدى.