ميللياردتاعان قارجىنى يگەرمەگەن مينيسترلىكتەر اتالدى

قارجى ءمينيسترىنىڭ ايتۋىنشا, مەملەكەتتىك بيۋدجەت شىعىستارى 95,8%-عا, رەسپۋبليكالىق - 96,5%-عا, جەرگىلىكتى بيۋدجەتتەر - 96,6%-عا ورىندالدى.

«رەسپۋبليكالىق بيۋدجەت بويىنشا 3,4 تريلليون تەڭگە شىعىستار جاسالدى. ورىندالماعانى 123 ميلليارد تەڭگەنى قۇرادى. ونىڭ 22 ميلليارد تەڭگەسى ۇنەمدەۋ. سوندا 101 ميلليارد تەڭگە يگەرىلمەي قالدى. يگەرىلمەۋدىڭ ەڭ كوپ سوماسى ىشكى ىستەر, قارجى, عىلىم جانە جوعارى ءبىلىم, اقپارات جانە الەۋمەتتىك دامۋ مينيسترلىكتەرىندە قالىپتاستى», دەدى ەرۇلان جاماۋباەۆ.

مينيستر يگەرىلمەي قالعان قارجىنىڭ سەبەبىن ءتۇسىندىردى:

كورسەتىلگەن قىزمەتتەردىڭ ناقتى كولەمى ءۇشىن تولەنگەن تولەم;

ۇزاق كونكۋرستىق پروتسەدۋرالار;

شارتتاردى, قوسىمشا كەلىسىمدەردى جاساۋدىڭ ۇزاق راسىمدەرى;

بيۋدجەتتىك باعدارلامالاردى (كىشى باعدارلامالاردى) ىسكە اسىرۋ ماسەلەلەرى بويىنشا نورماتيۆتىك قۇقىقتىق اكتىلەردىڭ ۋاقتىلى قابىلدانباۋى;

ورىندالعان جۇمىس اكتىلەرىن, شوت-فاكتۋرالاردى ۋاقتىلى ۇسىنباۋ;

«جەرگىلىكتى بيۋدجەت شىعىستارى 1,3 تريلليون تەڭگەنى قۇرادى. ورىندالماعانى - 45 ميلليارد تەڭگە. بيىل وڭىرلەرگە 1,2 تريلليون تەڭگە نىسانالى ترانسفەرتتەر قاراستىرىلعان. 1 ناۋرىزداعى جاعداي بويىنشا ولارعا 56 ميلليارد تەڭگە ءبولىندى. ونىڭ ىشىندە 80,1% يگەرىلدى, 11 ملرد تەڭگە يگەرىلمەدى», دەدى مينيستر.

قارجى ءمينيسترىنىڭ ايتۋىنشا, استانا, الماتى, پاۆلودار مەن اباي وبلىستارىندا ۇلكەن كولەمدە قارجى يگەرىلمەي قالعان.

وعان سەبەپ - قاداعالاۋ ورگاندارىنىڭ نۇسقاۋى, كونكۋرستىق راسىمدەردىڭ ۇزاققا سوزىلۋى, ورىندالعان جۇمىس اكتىلەرىنىڭ ۋاقتىلى ۇسىنىلماۋى.

وسىعان بايلانىستى پرەمەر-مينيستر ءاليحان سمايىلوۆ بيۋدجەتتىك باعدارلامالار اكىمشىلەرىنە بيۋدجەت قاراجاتىن ۋاقتىلى يگەرۋ بولىگىندە قارجىلىق ءتارتىپتى كۇشەيتۋدى تاپسىردى.