پرەزيدەنتكە ادىلەت ورگاندارى قىزمەتىنىڭ ناتيجەلەرى جانە الداعى كەزەڭگە ارنالعان جوسپارى تۋرالى ەسەپ بەرىلىپ, رەفورما جۇرگىزىلەتىن باعىتتار تانىستىرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مينيستر قىلمىستىق جانە قىلمىستىق-پروتسەستىك كودەكستەردى تەكسەرۋدىڭ اياقتالعانىن مالىمدەدى. وسى رەتتە 1000-نان استام باپ پەن 1200 ۇسىنىسقا تالداۋ جۇرگىزىلدى.
ناتيجەسىندە ازاماتتار مەن كاسىپكەرلەر قۇقىقتارىنىڭ قورعالۋىن كۇشەيتۋ ماسەلەلەرىن ەسكەرەتىن جانە بيزنەستى نەگىزسىز قىلمىستىق قۋدالاۋعا جول بەرمەيتىن ءتيىستى زاڭ جوباسى ازىرلەندى. ازامات ەسقاراەۆتىڭ ايتۋىنشا, زاڭنامانىڭ ساپاسىن ارتتىرۋ ءۇشىن كەشەندى شارالار قابىلدانىپ جاتىر. اتاپ ايتقاندا, زاڭ جوباسى قىزمەتى ماسەلەلەرى جونىندەگى ۆەدومستۆوارالىق كوميسسيانىڭ جۇمىسىن جانداندىرۋ, عالىمداردى كەڭىنەن تارتا وتىرىپ, زاڭنامانىڭ تۇراقتىلىعىن قامتاماسىز ەتۋ, رەفورمالاردى اقپاراتتىق تۇرعىدا قولداۋدى كۇشەيتۋ جونىندەگى ءىس-شارالاردى جۇزەگە اسىرۋ كوزدەلگەن. سونىمەن قاتار پرەزيدەنت ادىلەت مينيسترلىگىنە قاراستى ماسەلەلەر مەن كورسەتىلەتىن مەملەكەتتىك قىزمەتتەردى اۆتوماتتاندىرۋ جانە تسيفرلاندىرۋ شارالارىن قامتيتىن 12 جوبامەن تانىستى.
قاسىم-جومارت توقاەۆ مينيسترلىككە جۇكتەلگەن مىندەتتەردىڭ ساپالى ىسكە اسىرىلۋىنىڭ ماڭىزدىلىعىنا نازار اۋدارىپ, زاڭنامانى ودان ءارى جەتىلدىرۋگە جانە ازاماتتاردىڭ قۇقىقتارىن قورعاۋدى كۇشەيتۋگە باعىتتالعان بىرقاتار تاپسىرما بەردى.