تاۋلى قاراباقتا ازەربايجان مەن ارمەنيا اسكەريلەرى اراسىندا بولعان اتىستا بەس ادام قازا تاپتى, دەپ حابارلايدى Egemen.kz.
ازەربايجان اسكەري ۆەدومستۆوسىنىڭ حابارلاۋىنشا, وقيعا ازەربايجان اسكەريلەرى قارۋ-جاراق تاسىمالدادى دەگەن كۇدىكپەن رۇقساتسىز ءجۇرىپ كەلە جاتقان كولوننانى توقتاتقان كەزدە بولعان. اتىس ناتيجەسىندە ازەربايجاندىق ەكى ساربازدىڭ قازا تاپقانى حابارلاندى.
ارمەنيا سىرتقى ىستەر مينيسترلىگى ىشكى ىستەر مينيسترلىگىنىڭ ءۇش وكىلى قازا تاپقانىن حابارلادى. ۆەدومستۆو قارۋ-جاراق تاسىمالدادى دەگەن ايىپتاۋلاردى قيسىنسىز دەپ اتاپ, كولوننانى قۇراعان اسكەريلەردىڭ قولىندا قۇجاتتارى جانە تەك قىزمەتتىك قارۋ بولعانىن باسا ايتتى.
ەسكە سالايىق, 2022 جىلدىڭ قاراشاسىندا ارمەنيا مەن ازەربايجان اقش-تا بەيبىت كەلىسسوزدەر جۇرگىزدى. ەكى ەلدىڭ سىرتقى ىستەر مينيسترلەرى الەۋەتتى بىتىمگەرشىلىك كەلىسىمىنىڭ ەلەمەنتتەرى تۋرالى پىكىر الماسىپ, ءالى دە شەشۋدى قاجەت ەتەتىن بىرقاتار ماسەلە بارىن مالىمدەدى.