الماتى توتەنشە جاعدايلار دەپارتامەنتى قار كوشكىنى ءجۇرۋ قاۋپىنە بايلانىستى قالا تۇرعىندارىنا ۇندەۋ جاسادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
داۋىلدىق ەسكەرتۋگە سۇيەنگەن قۇتقارۋشىلاردىڭ حابارلاۋىنشا, 5-7 ناۋرىز ارالىعىندا ۇلكەن جانە كىشى الماتى وزەندەرىنىڭ باسسەيندەرىندە قار كوشكىنى ءجۇرۋى مۇمكىن.
«وسىعان بايلانىستى قار كوشكىنىن تۋدىرماس ءۇشىن قار باسقان بەتكەيلەرگە شىعۋ ۇسىنىلمايدى, تاۋعا بارۋدان باس تارتقان دۇرىس», دەلىنگەن حابارلامادا.
سونىمەن قاتار قۇتقارۋشىلار تاۋدا قالعان تۋريستەردەن بارلىق قاۋىپسىزدىك شارالارىن ساقتاۋدى سۇرادى.