كەرريدىڭ مىسىرعا كۇتىلمەگەن ساپارى

شاراينا اقش-تىڭ مەملەكەتتىك حاتشىسى دجون كەرري وتكەن جەكسەنبى كۇنى كۇتپەگەن جەردەن كايرعا ساپارمەن كەلىپ, ەگيپەتتىڭ جاڭادان سايلانعان پرەزيدەنتى ابدەل فاتتاح اس-سيسيمەن كەلىسسوز جۇرگىزدى. اڭگىمە ارقاۋى ەكى جاقتىڭ دا مۇددەسىنە سايكەس كەلەتىن تاقىرىپتار بولعان. بۇل اقش-تىڭ جوعارى شەندى وكىلىنىڭ اس-سيسي پرەزيدەنت بولىپ سايلانعاننان كەيىنگى مىسىرعا العاشقى ساپارى بولىپ تابىلادى. 1979 جىلى يزرايلمەن بەيبىت كەلىسىمگە قول قويعاننان سوڭ ەگيپەت اقش-تىڭ ورتا شىعىستاعى اسا كۇشتى وداقتاستارىنىڭ ءبىرى بولعان ەدى. الايدا, يسلام سەركەسى مۇحاممەد مۋرسي جاپپاي نارازىلىق اكتسيالارىنان كەيىن پرەزيدەنتتىكتەن كەتىرىلگەن سوڭ ەكى ەل اراسىنا بەلگىلى ءبىر دەڭگەيدە سىزات تۇسكەندەي-ءتىن. ماۆريتانيا پرەزيدەنتى قايتا سايلاندى ماۆريتانيانىڭ ءىس باسىنداعى باسشىسى موحاممەد ۋلد ابدەل ءازيز ەل پرەزيدەنتىن سايلاۋدا 88 پايىز داۋىس جيناپ, پرەزيدەنتتىككە قايتا سايلاندى. ونىڭ ەڭ جاقىن باسەكەلەسى بار بولعانى 8-اق پايىز داۋىس العان. نەگىزگى وپپوزيتسيالىق پارتيالار سايلاۋعا قاتىسۋدان باس تارتقانىمەن, سايلاۋشىلاردىڭ 56 پايىزى داۋىس بەرگەن. ابدەل ءازيز بيلىككە 2008 جىلى مەملەكەتتىك توڭكەرىس ناتيجەسىندە كەلگەن بولاتىن. ول قاشاندا باتىستىڭ افريكا اۋماعىنداعى تەررورلىق ۇيىمدارمەن كۇرەستە سەنىمدى ارىپتەسى بولىپ كەلەدى. سايلاۋ ناتيجەسىن وپپوزيتسيا مويىنداماعانمەن, باتىس وسى سەبەپتى دە ماۆريتانيا باسشىلىعىنىڭ ىسىنە ارالاسقاندى قالامايدى. دەگەنمەن, قازىرگى كەزدە قارۋلى جاساقتار كۇشەيىپ وتىرعاندىقتان, الدا ابدەل ءازيزدى ۇلكەن سىناقتار كۇتىپ تۇرعانداي. اسكەري نىساندارىنا سوققى بەردى يزرايل اسكەري-اۋە كۇشتەرىنىڭ ۇشاقتارى كەشە سيريانىڭ بىرقاتار اۋماعىنا سوققى بەردى. بۇل سوققى سيريالىق تانككە قارسى سناريادتىڭ يزرايلدىك ءجاسوسپىرىم وتىرعان ءاۆتوموبيلدى جارىپ جىبەرۋىنە جاۋاپ بولىپ تابىلادى. تۇنگى اۆياشابۋىل بارىسىندا يزرايل ۇشاقتارى اراسىندا سيريانىڭ كوماندالىق شتابى دا بار 9 اسكەري نىساندى قيراتقان. تەل-اۆيۆ گولان بيىكتەرىندە ءاۆتوموبيلدى جارىپ جىبەرۋ وقيعاسى جوسپارلى تۇردە جاسالعان ارانداتۋ دەپ سانايدى. سول وقيعا ورىن العان 22 ماۋسىمدا يزرايل تانكتەرى سيريا شەپتەرىنە قارسى وق اتقان بولاتىن. جالپى, گولان بيىكتەرىن يزرايل 1967 جىلى سيرياعا قارسى سوعىستىڭ ناتيجەسىندە جاۋلاپ العان ەدى. ال داماسك اتالعان بيىكتىكتى ءالى دە ءوزىنىڭ زاڭدى اۋماعى دەپ ەسەپتەيدى.

قىسقا قايىرىپ ايتقاندا:

—* وڭتۇستىك كورەيادا اسكەري قىزمەتشى وزىنىڭ بەس قىزمەتتەسىن اتىپ ولتىرىپ, تاعى جەتەۋىن جارالاعان. وقيعا وڭتۇستىك كورەيانى سولتۇستىك كورەيامەن بولىپ تۇراتىن دەماركاتسيالىق سىزىققا جاقىن جەردە بولعان. وق اتقان اسكەري ىزدەستىرىلۋدە كورىنەدى. *— ريم پاپاسى مافيانىڭ بارلىق مۇشەلەرىن شىركەۋدەن الاستالعاندار دەپ اتادى. ول ءوزىنىڭ مالىمدەمەسىن يتاليانىڭ وڭتۇستىگىندەگى كالابريا وڭىرىنە ساپارى كەزىندە جاسادى. بۇل وڭىردە مافيانىڭ شەپتەرى مىقتى سانالادى. —*نيۋ-يوركتە كولدەنەڭ تاكسيست رەسەيلىك بيزنەسمەن ۆلاديمير زاحاروۆتى 23 مەتر جەرگە جەتكىزىپ تاستاعانى ۇشىن 149 دوللار تالاپ ەتكەن. كەلىسپەگەن 75 جاستاعى رەسەيلىك سوققىعا جىعىلعان. — مىسىردىڭ سوتى 180 يسلاميسكە ءولىم جازاسى شىعارىلعانىن قۋاتتادى. ولاردىڭ اراسىندا «مۇسىلمان باۋىرلاردىڭ» سەركەسى موحاممەد بادي دە بار كورىنەدى. جالپى, ۇكىم شىعارىلعانداردىڭ ونى قايتا قاراتۋعا قۇقىقتارى بار. سنوۋدەن ەرلىگى ءۇشىن ماراپاتتالدى امەريكا ارنايى قىزمەتىنىڭ بۇرىنعى قىزمەتكەرى ەدۆارد سنوۋدەن 21 ماۋسىم كۇنى «گۋمانيستىك وداق» قوعامدىق ۇيىمىنان سىيلىق الدى. قاشقىندا جۇرگەن بارلاۋشى بۇل نىشاندىق سىيلىققا ازاماتتىق ەرلىگى ءۇشىن لايىق دەپ تابىلدى. ۇيىم باسشىسى ۆەرنەر كەپ-كەرستين ماراپاتتاۋ ءراسىمىن راشتات قالاسىندا وتكىزگەن. ال سىيلىق فريتس باۋەر اتىنداعى دەپ اتالادى. «ەدۆارد سنوۋدەن اقش-تىڭ ارنايى قىزمەتتەرى تاراپىنان زاڭسىز ادام سوڭىنا ءتۇسۋ پراكتيكاسىن جالعاننىڭ جارىعىنا شىعارۋدا ناعىز مورالدىق ەرلىك كورسەتتى», دەپتى ماراپاتتاۋ راسىمىندە ءسوز سويلەگەن كەپ-كەرستين. ال فريتس باۋەر «وسۆەنتسين پروتسەستەرىندە ۇلكەن ءرول اتقارعان نەمىس سۋدياسى ءارى پروكۋرورى بولىپ تابىلادى. قۇرباندىق – تاعى ەكى پالەستينالىق يزرايل اسكەريلەرى يوردان وزەنىنىڭ باتىس جاعالاۋىندا ەكى پالەستينالىقتى اتىپ ءولتىردى. اسكەريلەر قارۋدى پالەستينالىقتاردى جاپپاي تۇتقىنعا الۋ كەزىندە تۋىنداعان قاقتىعىس كەزىندە قولدانىپتى. ادام ولىمىنە سوقتىرعان بۇل قاقتىعىس 6 پالەستينالىقتى تۇتقىنداۋ كەزىندە ورىن العان. يزرايل قازىرگى كەزگە دەيىن باتىس جاعالاۋىندا 13 ماۋسىم كۇنى جوعالىپ كەتكەن ءۇش ءجاسوسپىرىمدى ىزدەستىرىپ جاتىر. ىزدەۋ وپەراتسيالارى باستالعالى بەرى اسكەريلەر كەم دەگەندە ءتورت پالەستينالىقتى ءولتىرىپ وتىر ەكەن. 340 پالەستينالىق تۇتقىنعا الىنىپتى. ءدىني مەكتەپتىڭ ءۇش وقۋشىسى گۋش-ەتسيون ەلدى مەكەنى اۋدانىندا ءىز-ءتۇزسىز كەتسە كەرەك. يزرايل بيلىگى جاسوسپىرىمدەردى حاماس توبى ۇرلاپ كەتتى دەپ ايىپ تاعۋدا. مالايزيا جاعالاۋىنداعى كەمە اپاتى مالايزيا جاعالاۋى ماڭىندا يندونەزيالىق ميگرانتتاردى الىپ كەلە جاتقان كەمە سۋعا باتىپ كەتتى. وقيعا سەپانگ قالاسىنان 20 شاقىرىم جەردە ورىن العان. كەمە بورتىندا 27 ادام بولىپتى. ولاردىڭ توعىزى ءىز-ءتۇزسىز جوعالعاندار قاتارىندا بولسا, ولاردى قازىر مالاي تەڭىزشىلەرى ىزدەستىرىپ جاتىر ەكەن. 18 ادام, ونىڭ ىشىندە 4 ايەل بار, مۇلدەم كەزدەيسوق جاعدايدا قۇتقارىپ الىنعان. كەمە سۋعا باتار تۇستا جانىنان ساۋدا كەمەسى ءوتىپ بارا جاتىر ەكەن. سونداعىلار كومەك تۋرالى ايقاي-شۋدى ەستىپ, جاردەم قولىن سوزىپتى. بۇل مالايزيا جاعالاۋىنداعى ەكىنشى اپات بولىپ وتىر. 18 ماۋسىم كۇنى سول ماڭايدا 97 ادامدى الىپ كەلە جاتقان كەمە سۋعا باتىپ كەتسە, 23 ادامدى تابۋ مۇمكىن بولماعان-تىن. مالايزيا – سەرپىندى دامىپ كەلە جاتقان ەلدەردىڭ ءبىرى, سوندىقتان جۇمىس كۇشى دە كوپ تالاپ ەتىلەدى.  

ينتەرنەت ماتەريالدارى نەگىزىندە ازىرلەندى.