پەتروپاۆل قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىلارى – ولجاس قۇسايىن, نۇرسات كەرەي, ايسانا باساعارينوۆا ازيا قۇرلىعىنىڭ ۇزدىك جوعارى وقۋ ورىندارىنىڭ گرانتتارىن يەلەندى.
ولجاس قۇسايىن مەن نۇرسات كەرەي City University of Hong Kong (CityU) ۋنيۆەرسيتەتىن تاڭدادى. گونكونگ قالالىق ۋنيۆەرسيتەتى جوعارى وقۋ ورىندارىنىڭ الەمدىك رەيتينگىندە (World QS Ranking) 54-ءشى جانە ۋنيۆەرسيتەتتەردىڭ ازيالىق رەيتينگىندە 23-ءشى ورىندا تۇراقتاعان. بۇل – عىلىمي-زەرتتەۋ جانە جوعارى ءبىلىم بەرۋ سالاسىندا بەدەلى جوعارى, الەمدىك دەڭگەيدە قارقىندى دامىپ كەلە جاتقان وقۋ ورداسى. ولجاس ەلەكتر ينجەنەرياسى باعدارلاماسىن تاڭداعان. ال نۇرسات بيوينجەنەر بولۋدى ارماندايدى.
ايسانا باساعارينوۆا گونكونگ قىتاي ۋنيۆەرسيتەتىنىڭ (تhe Chinese University of Hong Kong) گرانت يەگەرى اتاندى, ول دا بيوينجەنەرلىك سالاعا بەت بۇرۋدى ماقسات ەتىپ وتىر.
بۇگىنگى تاڭدا گونكونگ ۋنيۆەرسيتەتتەرىندە پەتروپاۆلداعى زياتكەرلىك مەكتەپتىڭ 3 تۇلەگى وقيدى. ەكەۋى Hong Kong Polytechnic University ستۋدەنتى, تاعى بىرەۋى Hong Kong University-دە ءبىلىم الىپ جاتىر.