بۇگىن قورعانىس ءمينيسترىنىڭ ورىنباسارى سۇلتان كامالەتدينوۆ سەنات وتىرىسىندا اسكەري-اۋە كۇشتەرىنىڭ ۇشقىشتارى, اسكەري جوعارى وقۋ ورىندارىنىڭ وقىتۋشىلارى مەن اسكەري دارىگەرلەردىڭ جالاقىسى 30%-دان جوعارى وسەتىنىن ايتتى, دەپ حابارلايدى Egemen.kz.
قورعانىس ءمينيسترىنىڭ ورىنباسارى اتاپ وتكەندەي, بۇگىندە كەيبىر اسكەريلەردىڭ جالاقىسىن كوتەرۋ تۋرالى ۇسىنىستار قولداۋ تاپتى.
«ۇكىمەت اسكەري-اۋە كۇشتەرى ۇشقىشتارىنىڭ جالاقىسىن كوبەيتۋ تۋرالى ۇسىنىستى قولدادى. بيىل اسكەري جوعارى وقۋ ورىندارىنىڭ پروفەسسورلىق-وقىتۋشىلىق قۇرامىنىڭ جالاقىسىن ازاماتتىق جوعارى وقۋ ورىندارىنىڭ دەڭگەيىنە دەيىن كوتەرۋ ماسەلەسى قاراستىرىلىپ جاتىر. اسكەري قىزمەتكەرلەردىڭ كەلەسى ساناتى – اسكەري دارىگەرلەر. جالاقىنى ازاماتتىق سەكتورداعى مەديتسينا قىزمەتكەرلەرىنىڭ دەڭگەيىنە دەيىن كوتەرۋ ۇسىنىسى دا ۇكىمەت تاراپىنان قولداۋعا يە بولدى», دەدى سۇلتان كامالەتدينوۆ.