ءوڭىردىڭ ەكى ءىرى قالاسى – وسكەمەن مەن سەمەيدە «التىن بەلگىگە» يە بولعان مەكتەپ ءبىتىرۋشى تۇلەكتەردى ماراپاتتاۋ سالتاناتى ءوتتى. بيىل وبلىس ورتالىعىنىڭ مەكتەپتەرىنەن 37 وقۋشى «التىن بەلگى» يەگەرى اتانسا, ءوڭىردىڭ مادەني ورتالىعى سانالاتىن سەمەيدە 24 وقۋشى «التىن بەلگىگە» قول جەتكىزدى.
قوس قالادا جوعارى دارەجەدە وتكەن سالتاناتتى كەشتە «التىن بەلگى» يەگەرلەرى مەن پاندىك وليمپيادا جەڭىمپازدارىنا قۇرمەت كورسەتىلىپ, باعالى سىيلىقتار تاپسىرىلدى. جاس تۇلەكتەر قوشتاسۋ ءۆالسىن بيلەپ, ون جىل بىرگە وقىعان قۇربىلارى مەن ۇستازدارىنا دەگەن قيماستىق سەزىمدەرىمەن ءبولىستى.
– وتكەن جىلى ءبىزدىڭ وبلىستىڭ مەكتەپ ءبىتىرۋشىلەرىنىڭ 42-ءسى ۇزدىك اتتەستات السا, وسى جىلى 65-كە جەتىپ وتىر. وسكەمەننىڭ وزىندە 19 وقۋشى حالىقارالىق وليمپيادالاردىڭ جەڭىمپازى اتاندى. بۇل – شىعىس قازاقستان وبلىسىنداعى ءبىلىم ساپاسىنىڭ جىلدان-جىلعا جاقسارىپ كەلە جاتقانىنىڭ ايعاعى. وڭىرىمىزدە جاڭا مەكتەپتەر سالىنىپ, ءبىلىم بەرۋ ينفراقۇرىلىمدارى دامىپ كەلەدى, – دەدى وبلىس اكىمىنىڭ ورىنباسارى جاقسىلىق ومار.
بيىل سەمەي قالاسى بويىنشا 2163 وقۋشى مەكتەپپەن قوشتاستى. ولاردىڭ ىشىندە 24 تۇلەك مەكتەپتى«التىن بەلگىمەن», 16 تۇلەك ۇزدىك اتتەستاتپەن ءتامامدادى. ۇبت ءناتيجەسى بويىنشا, 220 وقۋشى 100 بالدان جوعارى جينادى. 31 وقۋشى حالىقارالىق وليمپيادالار مەن بايقاۋلاردان جەڭىمپاز بولىپ, تاڭداۋلى جوعارى وقۋ ورىندارىنا گرانتتار ۇتىپ الدى.
دۋمان اناش,
«ەگەمەن قازاقستان».
شىعىس قازاقستان وبلىسى.