اۋىلدى تۇلەتۋگە نىق قادام

ءىس-شاراعا پارتيالىق تىزىمگە ەنگەن كانديداتتار جانە پارتيانىڭ اتىنان ماجىلىسكە ۇسىنىلعان ءبىرمانداتتى ۇمىتكەرلەر, شتاب مۇشەلەرى, پار­تيا­نىڭ «جاستار رۋحى» جاستار قاناتىنىڭ بەلسەن­دىلەرى, پارتيا جاقتاستارى قاتىستى.

– ءبىزدىڭ باعدارلاما – قوعامدا ابدەن قايناپ, ءپىسىپ-جەتىلگەن پروبلەمالاردى شەشۋدىڭ ناقتى جولى, ناقتى جوسپارى. وتكەن جىلدىڭ وزىندە پارتيا وڭىرلەردە, اۋىل-ايماقتا مىڭداعان كەزدەسۋ وتكىزىپ, تۇرعىنداردان 200 مىڭنان استام ۇسىنىس-پىكىر جيناعان بولاتىن. حالىقتى تولعاندىرعان ماسەلەلەردى مۇقيات تالداپ, جۇيەلەندىرە كەلە 10 نەگىزگى باعىتتان تۇراتىن قۇجاتتى ازىرلەدىك. ودان ءاربىر وتانداسىمىز ءوزى ءۇشىن وزەكتى ماسەلەلەردىڭ جاۋابىن تابا الادى, – دەدى پارتيا توراعاسى.

ول ءار وبلىستىڭ, قالانىڭ دەموگرافيالىق, الەۋ­مەتتىك جانە ەكونوميكالىق ەرەكشەلىگىن ەسكەرە وتىرىپ, 20 ايماقتىق سايلاۋالدى باعدارلاما ازىر­لەنگەنىن اتاپ ءوتتى. سونىمەن قاتار ءبىرمانداتتى وكرۋگ­تەر بو­يىنشا سايلاۋعا قاتىساتىن پارتيانىڭ ءاربىر كان­ديداتى ءوزىنىڭ سايلاۋالدى باعدارلاماسىن ازىرلەدى.

ايتا كەتەيىك, شتاب قۇرامىنا پارتيانىڭ 486 بەلسەندى جاقتاسى كىردى. وڭىرلىك جانە اۋماقتىق 226 سايلاۋالدى شتابقا 7,5 مىڭعا جۋىق ادام جۇمىل­دى­رىلادى. سايلاۋشىلارمەن كەزدەسۋ كەستەسى دا­يىن­دالدى. بۇل جۇمىسقا كانديداتتاردىڭ 27 مىڭ­نان استام سەنىمدى وكىلى اتسالىسادى.

بۇگىندە پارتيانىڭ وڭىرلەردەگى وكىلدەرى اۋىل-اۋىل­دى ارالاپ, پارتيانى سايلاۋالدى باعدارلاما­سى­نىڭ باسىم باعىتتارىمەن تانىستىرۋدى باستاپ كەتتى. «Amanat» پارتياسى اۋىلدى تۇلەتۋگە ارنالعان بىر­قا­تار ءىرى جوبانى ىسكە اسىرىپ جاتقانىن اتاپ وتكەن ءجون.

– 2027 جىلعا دەيىن اگروونەركاسىپ كەشەنىندە 100 ينۆەستيتسيالىق جوبا جۇزەگە اسىرىلادى. ونىڭ جالپى قۇنى – 500 ميلليارد تەڭگە. بەس جىلدا اۋىل ينفراقۇرىلىمىن جاڭارتۋ ءۇشىن 1 ترلن تەڭگە جۇمسالاتىن بولادى. پارتيا بۇل جۇمىستى قاتاڭ باقىلاۋدا ۇستايدى. ءبىز اگرارلىق سالاداعى سۋبسيديا جۇيەسىنىڭ تۇراقتىلىعىن قامتاماسىز ەتەمىز. قازىر الەم حالقى ازىق-ت ۇلىك داعدارىسىن باستان كەشىپ وتىر. قازاقستاننىڭ 100 ميلليون ادامدى ازىق-ت ۇلىكپەن قامتاماسىز ەتۋگە مۇمكىندىگى بار. ەڭ اۋەلى حالقىمىز 100 پايىز وتاندىق ونىممەن قامتاماسىز ەتىلۋى كەرەك, – دەدى ە.قوشانوۆ.