برۋتسەللەزدىڭ بەلگىلەرى قانداي؟

ماماندار كەلتىرگەن دەرەكتەرگە سەنسەك, برۋتسەللەز دەر­تىن جۇقتىرعانداردىڭ ءار­بىر بەسىنشىسى بالالار مەن جاس­وس­پىرىمدەر ەكەن. ىندەتكە شال­دىققانداردىڭ 15 پايىزدان استامىندا اۋرۋ سوزىلمالى تۇ­رىنە اۋىسىپ, ونداعان جىلدار بويى ادام بالاسىنىڭ جۇيكەسىن جۇقارتادى.

«اۋرۋ ادامنىڭ دەنە قىزۋى 39-40 گرادۋسقا دەيىن كوتەرىلىپ, باس اۋرۋى, قالتىراۋ, السىزدىك سەكىلدى بەلگىلەر بايقالادى. سودان كەيىن بۋىنداردا اۋىرسىنۋ مەن ءىسىنۋ, جۇرەك-قان تامىرلارى, جۇيكە, ۋروگەنيتالدى جۇيەلەردىڭ زاقىمدانۋى پايدا بولادى. بۇل قۇبىلىستار كەيدە جوق بولىپ كەتىپ, كەيىن قايتا ءورشىپ, ۇزاق ۋاقىت بويى جالعاسىپ, مۇگەدەكتىك پەن جۇمىسقا جارامسىزدىققا اكە­لىپ سوقتىرۋى مۇمكىن», دەيدى وبلىستىق دەنساۋلىق ساقتاۋ باسقارماسىنىڭ شتاتتان تىس باس ەپيدەميولوگى, جۇقپالى اۋرۋلار اۋرۋحاناسىنىڭ كون­سۋل­تاتيۆتىك-ادىستەمەلىك ورتا­لىعىنىڭ باسشىسى گۇلفايرا مىرزابەكوۆا.

گ.مىرزابەكوۆانىڭ ايتۋىنشا, 2022 جىلى ءوڭىردىڭ 103 تۇرعىنى سارىپ دەرتىن جۇقتىرعان. ولاردىڭ 26-سى – بالالار مەن جاسوسپىرىمدەر. جاسوسپىرىمدەردىڭ برۋتسەللەز دەرتىنە ءجيى شالدىعا باستاۋى كىمدى دە بولسىن ويلاندىرماي قويمايدى.

برۋتسەللەز دەرتىمەن جاس­وس­پىرىمدەردىڭ ءجيى اۋىرا باس­تاعانى بايقالادى. انى­عى­راق ايتار بولساق, بالا دەنساۋ­لىعىن قورعاۋ جونىندەگى ءىس-شارالار ۇيىمداستىرۋدىڭ قيىنداعانى ءبىزدى الاڭداتادى. مىسالى, بۇرىن بالالار مەن جاسوسپىرىمدەردى مال شا­رۋاشىلىعىنا جۇمىل­دىر­عانى ءۇشىن ءنورماتيۆتى بۇزعان تۇلعالار دەر كەزىندە ءتيىستى جازاسىن الاتىن. قازىرگى ۋا­قىتتا ءتورت ت ۇلىك مالدىڭ نەگىزگى بولىگى جەكە قولدا بولىپ, مالدى كۇتۋ جۇمىستارىنا جاس تا, جاسامىس تا بىلەك سىبانىپ كىرىسەدى. بۇل ءوز كەزەگىندە ەم­دەلۋى قيىن اۋرۋدى جاس ۇرپاق­تىڭ ءجيى جۇقتىرۋىنا اكەلىپ وتىر.

«جىل سايىن جانە وسى جىلدىڭ مال تولدەتۋ ناۋقانى الدىندا اۋدان اكىمدەرىنە, قۇزىرلى مەكەمەلەرگە جانە اۋماقتىق سانيتارلىق-ەپي­­دەميولوگيالىق باقىلاۋ باس­قارمالارىنا ىندەتتىڭ الدىن الۋ ماقساتىندا كەشەندى ءىس-شارالاردى جۇرگىزۋ ءۇشىن حات جولدانعان ەدى. وتكەن جىلى بۇل تۇيتكىل وبلىس اكىمىنىڭ اپپاراتتىق كەڭەس وتىرىسىندا, وبلىستىق سانيتارلىق-ەپيدەميولوگيالىق باقىلاۋ قىزمەتى مەن دەنساۋلىق ساقتاۋ باسقارماسىنىڭ القا وتىرىس­تارىندا تالقىلانىپ, ءتيىستى شەشىمدەر قابىلداندى. بۇ­گىنگى تاڭدا ۆەتەرينارلىق جانە دەنساۋلىق ساقتاۋ مەكەمە­لەرىمەن بىرىككەن 3 ايلىق جاريالانىپ, ىندەتتىڭ الدىن الۋ بويىنشا ءىس-شارالار جۇرگىزىلىپ جاتىر. ۇجىمداردا ادىستەمەلىك ءىس-شارالار, حالىق اراسىندا سانيتارلىق اقپاراتتاندىرۋ, ءتۇسىندىرۋ جۇمىستارى, ونىڭ ىشىندە اۋىل شارۋاشىلىعى جانۋارلارىن كۇتىپ-باپتاۋ كەزىندە جەكە گيگيەنا ەرەجەلەرىن ساقتاۋ ماسەلەلەرى قامتىلعان», دەيدى جاۋاپتى مامان.

ونىڭ ايتۋىنشا, مالدى ساتىپ العان كەزدە ۆەتەرينارلىق انىقتامانى سۇراعاننان ەشكىم ۇتىلمايدى. بۇل ءوز كەزەگىندە ىندەتتەن ساقتانۋعا كەپىل بول­ماق. برۋتسەللەزبەن اۋىرعان مال­دى وزگە ءتورت ت ۇلىكتىڭ ورتاسىنا قوسپاۋ كەرەك. الايدا بۇرىندارى تۋىنداعان مۇنداي ماسەلەلەرگە الداعى ۋاقىتتا جول بەرىلمەيدى. ويتكەنى, ادام ساۋلىعى – بارىنەن دە قىمبات.

جامبىل وبلىسى