اقش پرەزيدەنتى دجو بايدەن كيەۆكە ساپارىندا ۋكرايناعا ءارى قاراي قولداۋ كورسەتىنىن مالىمدەدى, دەپ حابارلايدى Egemen.kz.
بايدەن مەن زەلەنسكي قارۋ-جاراق ماسەلەسىن تالقىلادى. اقش پرەزيدەنتى ارتيللەريالىق وق-دارىلەردى, تانككە قارسى جۇيەلەردى, اۋە كەڭىستىگىن باقىلاۋعا ارنالعان رادارلاردى جانە جاڭا ماڭىزدى قارۋ-جاراقتارىن جەتكىزەتىنىن جاريالادى.
بۇل تۋرالى اق ءۇي رەسمي مالىمدەمە جاسادى.
«پۋتين ءبىر جىل بۇرىن سوعىستى باستاعان كەزدە, ول ۋكراينانى ءالسىز دەپ ويلادى. بىراق ول قاتەلەستى. بۇگىن كيەۆتە مەن ۋكراينانى قولداۋدى تالقىلاۋ ءۇشىن پرەزيدەنت زەلەنسكيمەن جانە ونىڭ كومانداسىمەن كەزدەسەمىن. مەن ۋكراين حالقىن اۋە بومبالاۋىنان قورعاۋ ءۇشىن ارتيللەريالىق وق-دارىلەردى, تانككە قارسى جۇيەلەردى جانە اۋە كەڭىستىگىن باقىلاۋ رادارلارىن, باسقا دا ماڭىزدى جابدىقتاردى جەتكىزەتىنىمدى جاريالايمىن. وسى اپتادا ءبىز رەسەيلىك ەليتا مەن كومپانيالارعا قارسى قوسىمشا سانكتسيالار جاريالايمىز», دەلىنگەن مالىمدەمەدە.