سىبايلاس جەمقورلىققا قارسى قىزمەت وكىلدەرى تۇركىستان وبلىسىنىڭ اۋىل اكىمدەرىنەن پارا الدى دەگەن كۇدىككە ءىلىندى, دەپ حابارلايدى Egemen.kz باس پروكۋراتۋرانىڭ Telegram ارناسىنا سىلتەمە جاساپ.
«سىبايلاس جەمقورلىققا قارسى قىزمەتىنىڭ وكىلدەرى تۇركىستان وبلىسى جەتىساي اۋدانىنىڭ اكىمشىلىگىن تەكسەرىپ, اۋىلدىق وكرۋگتەرىنىڭ اكىمدەرىن قىلمىستىق جاۋاپكەرشىلىككە تارتۋمەن قورقىتىپ, ولاردان اقشالاي قاراجات تالاپ ەتكەن. ولاردىڭ تۇراقتى تۇردەگى تالاپتارىنان كەيىن اكىمشىلىك جۇمىسكەرلەرى تەكسەرۋشىلەرگە تەكسەرىستىڭ وڭ شەشىلۋى ءۇشىن 400-مىڭنان 630-مىڭ تەڭگەگە دەيىنگى قاراجاتتى بەرىپ, پارا بەرۋ دەرەگى بويىنشا ۇستالدى», دەپ حابارلادى باس پروكۋراتۋرا.
ناتيجەسىندە 7 اۋىلدىق وكرۋگتىڭ اكىمدەرى مەن اكىمشىلىكتىڭ 1 ەسەپشىسى سوتتارمەن ءارتۇرلى مەرزىمگە باس بوستاندىقتارىنان ايىرۋ جانە ايىپپۇل تۇرىندەگى جازالارعا تارتىلدى. باس پروكۋروردىڭ نارازىلىعىمەن جوعارعى سوت ولاردى تولىعىمەن اقتاپ, سىبايلاس جەمقورلىققا قارسى قىزمەتىنىڭ وكىلدەرىنىڭ ءىس-ارەكەتتەرىندە تىكەلەي ارانداتۋشىلىق بار ەكەنىن انىقتاعان.
«2 جەدەل وكىلگە قاتىستى قىلمىستىق كودەكتىڭ 362-بابى 4-بولىگىمەن (بيلiكتi جانە لاۋازىمدىق وكiلەتتiكتەردى اسىرا پايدالانۋ) سوتقا دەيىنگى تەرگەپ-تەكسەرۋ باستالدى. تەرگەپ-تەكسەرۋدى باس پروكۋراتۋرانىڭ ارنايى پروكۋرورى جۇرگىزىپ, كىنالارىن تولىعىمەن دالەلدەپ, قىلمىستىق ءىس سوتقا جولداندى. تۇركىستان وبلىسى جەتىساي اۋداندىق سوتىنىڭ 2023 جىلعى 26 قاڭتارىنداعى ۇكىمىمەن اۋىر ساناتتاعى لاۋازىمدىق قىلمىستى جاساعاندارى ءۇشىن سىبايلاس جەمقورلىققا قارسى قىزمەتىنىڭ بۇرىنعى 2 جەدەل وكىلى ارنايى شەندەرىنەن ايىرىلىپ, ارقايسىسى 6 جىلعا باس بوستاندىقتارىنان ايىرۋ جازاسىنا تارتىلدى. جابىرلەنۋشىلەردىڭ پايداسىنا مورالدىق زالال ءوندىرىلدى», دەلىنگەن حابارلامادا.
ۇكىم زاڭدى كۇشىنە ەنگەن جوق.