الماتى وبلىسىنىڭ تاۋلى ايماقتارىندا 17-21 اقپان ارالىعىندا قار كوشكىنى ءجۇرۋ قاۋپى ساقتالادى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى قالا تۇرعىندارىن, تۋريستەر مەن دەمالۋشىلاردى قار كوشكىنىنىڭ ىقتيمال ارانداتۋىنا بايلانىستى قار باسقان بەتكەيلەرگە شىقپاۋعا, سونداي-اق تاۋلى ايماقتاردا بارلىق قاۋىپسىزدىك شارالارى مەن ءتارتىپتى ساقتاۋعا شاقىرادى.
«الماتى وبلىسىنىڭ اۋماعىندا ىلە-الاتاۋ تاۋ جوتاسىنىڭ وڭتۇستىك بەتكەيىندە ەڭبەكشىقازاق, تالعار جانە قاراساي وڭىرلەرىندە ورنالاسقان 48 قار كوشكىنى قاۋپى بار اۋماقتار بار. نەگىزىنەن قار كوشكىنى تەمپەراتۋرالىق فوننىڭ جوعارىلاۋىنا جانە جاڭبىر مەن قار تۇرىندەگى جاۋىن-شاشىننىڭ كوپ تۇسۋىنە بايلانىستى تۇسەدى», دەدى تجد ءباسپاسوز قىزمەتى.