قاسىم-جومارت توقاەۆ اقمولا وبلىسىنا ساپارى بارىسىندا م.عابدۋللين اتىنداعى ازاماتتىق قورعاۋ اكادەمياسىنا بارىپ, كۋرسانتتار الدىندا ءسوز سويلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«ازاماتتىق قورعاۋ جۇيەسى ۇنەمى جاڭعىرتۋدى قاجەت ەتەدى. بۇگىندە وزىق الەمدىك تاجىريبەنى ۇلگى ەتۋ, زاماناۋي تەحنولوگيالاردى ەنگىزۋ وتە ماڭىزدى. قۇتقارۋشىلاردى ساپالى دايارلاۋعا ەرەكشە نازار اۋدارۋ قاجەت. بۇل ماسەلەدە, ارينە, كومانديرلەر مەن وقىتۋشىلار نەگىزگى ءرول اتقارادى. وسى رەتتە وقۋ جاعدايى ۇلكەن ماڭىزعا يە», دەدى پرەزيدەنت.
ايتا كەتسەك, مەملەكەت باسشىسىنىڭ تاپسىرماسى بويىنشا ۇكىمەت اكادەميانىڭ ماتەريالدىق-تەحنيكالىق بازاسىن نىعايتۋ ماسەلەلەرىن پىسىقتاپ جاتىر. جاتاقحانا مەن وقۋ كورپۋسىن سالۋ جوسپارلانعان.
«جالپى, مەملەكەت ەڭبەكاقىنى ارتتىرۋ جانە قۇتقارۋشىلاردىڭ الەۋمەتتىك تۇرعىدا قامتاماسىز ەتىلۋىن جاقسارتۋ ءۇشىن جۇيەلى شارالار قابىلداپ جاتىر», دەدى قاسىم-جومارت توقاەۆ.