ەلوردا كوشەلەرىن قار مەن مۇزدان تازارتۋ بويىنشا تاۋلىك بويى جۇمىس جۇرگىزىلىپ جاتىر. قالانىڭ كوممۋنالدىق قىزمەتتەرى بارلىق ءتورت اۋداندا ەكى اۋىسىمدى رەجيمدە جۇمىس ىستەيدى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
7 اقپانعا قاراعان ءتۇنى قالادان 9,4 مىڭ تەكشە مەتر قار كۇرەلىپ, قالا سىرتىنداعى پوليگوندارعا شىعارىلدى.
بۇگىن تاڭەرتەڭ قار كۇرەۋ جۇمىسىنا 2,1 مىڭ جول جۇمىسشىسى مەن مىڭعا جۋىق ارنايى تەحنيكا جۇمىلدىرىلدى.
جالپى, قىس مەزگىلى باستالعالى بەرى باس شاھاردان 3 ملن تەكشە مەترگە جۋىق قار شىعارىلدى, ول ءۇشىن قار پوليگوندارىنا 236 مىڭنان استام رەيس جاسالدى.
جۇمىسشىلار قالا بويىنشا قۇم-تۇز قوسپاسىن سەبۋ جۇمىستارىن جۇرگىزىپ جاتقانىن ايتا كەتۋ كەرەك. ارنايى قوسپا قالا تۇرعىندارىنىڭ ەمىن-ەركىن ءجۇرۋى ءۇشىن كوشەلەرگە, جولدارعا, تروتۋارلارعا جانە ادام كوپ جينالاتىن ورىندارعا سەبىلەدى.