قوستاناي وبلىسى بويىنشا مەملەكەتتىك كىرىستەر دەپارتامەنتى جالپى سالماعى 160 توننا پيازدى ەكسپورتتاۋعا جاسالعان 8 ارەكەتتى توقتاتتى, دەپ حابارلايدى Egemen.kz.
پيازدى ەكسپورتتاۋعا تىيىم سالىنعانىنا قاراماستان, رەسەي فەدەراتسياسىنا پيازدى ەكسپورتتاۋ ارەكەتتەرى جالعاسىپ جاتىر.
«وسىلايشا, قوستاناي وبلىسى بويىنشا مەملەكەتتىك كىرىستەر دەپارتامەنتى «قايراق» باقىلاۋ-وتكىزۋ بەكەتىندە جالپى سالماعى 160 توننا پيازدى ەكسپورتتاۋعا جاسالعان 8 ارەكەتتىڭ جولىن كەستى. قولدا بار جەدەل اقپاراتقا سايكەس, جابىق ونىمدەردى پايدالانا وتىرىپ, پيازدى ەكسپورتتاۋعا ارەكەت جاسالىپ جاتىر, وسىعان بايلانىستى تىيىم سالىنعان تاۋارلاردىڭ, سونداي-اق ۋاقىتشا تىيىمدار مەن شەكتەۋلەر بەلگىلەنگەن تاۋارلاردىڭ جەكەلەگەن تۇرلەرىن ەكسپورتتاۋ/يمپورتتاۋدى باقىلاۋ, كۇشەيتىلگەن رەجيمگە اۋىستىرىلدى», دەدى مينيسترلىك.
قوستاناي وبلىسى بويىنشا مەملەكەتتىك كىرىستەر دەپارتامەنتى قازاقستان رەسپۋبليكاسى اۋىل شارۋاشىلىعى ءمينيسترىنىڭ 2023 جىلعى 28 قاڭتارداعى بۇيرىعىمەن رەسپۋبليكا اۋماعىنان پيازدى 3 اي مەرزىمىندە اكەتۋگە تىيىم سالىنعانىن ەسكە سالدى.
باتىس قازاقستان وبلىسىنداعى شەكارا بەكەتىنەن تۇركىستان وبلىسىنا پياز تيەلگەن 20-دان استام كولىك قايتارىلدى.