قازاقستان كەدەن وداعىنا قاتىستى كەلىسسوزدەردە ءوز مۇددەسىن بەرىك قورعاۋدا

كەشە قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ كەدەن وداعىنا قاتىستى ماسەلەلەردى تالقىلاۋ ءۇشىن سانكت-پەتەربۋرگ قالاسىنا ۇشىپ كەلدى.

سۇڭعات ءالىپباي  – سانكت-پەتەربۋرگتەن.

وسى قالادا وسىدان 4 كۇن بۇرىن عانا تاۋەلسىز مەملەكەتتەر دوستاستىعىنا, ەۋرازيالىق ەكو­نو­ميكالىق قوعامداستىققا  جانە وسى قوعامداستىق اياسىندا قۇرىلعان كەدەن وداعىنا مۇشە ەلدەر ۇكىمەت باسشىلارىنىڭ كەزدەسۋى وتكەندىگىن ەسكە سالا كەتپەكپىز. سول كەزدەسۋدە كەدەن وداعىنا مۇشە ەلدەردىڭ ۇكى­مەت باسشىلارى اياسىندا وداقتىڭ سانيتارلىق, مالدارىگەرلىك ساني­تار­لىق, فيتوسانيتارلىق شارا­لارىن قولدانۋدى رەتتەۋ, وداقتىڭ باستى قۇجاتى كەدەن كودەكسىن ءجۇ­زەگە اسىرۋعا بايلانىستى جاسالعان ءىس-شارالار جوسپارىن حالىقارالىق كەلىسىمگە سايكەستەندىرۋ, ءوزارا ساۋ­دا قاتىناستارىن رەتتەۋ, كەدەندىك باج سالىعىن رەتتەۋ جانە باسقا دا ماسەلەلەر قارالعان ەدى. كەدەن وداعى اياسىندا باس­قو­سۋلاردىڭ­ قاي-قايسىسىندا بولماسىن قازاقستان باسشىلىعى ءوز ەلىنىڭ مۇددەسىن بەرىك قورعاۋ ۇستىندە. وتكەن جولى دا سولاي بولعان ەدى. سوندىقتان رەسەي مەن قازاقستان اراسىندا ءۇشىنشى ەلدەردەن ەن­گى­زى­لەتىن تاۋارلارعا قاتىستى بىرقاتار ماسەلەلەر قايتا قاراۋ ءۇشىن ساراپشىلار كەڭەسىنە تاپسىرىلعان بولاتىن. وسى جولى قازاقستان پرە­مەر-ءمينيسترى كارىم ءماسىموۆ پەن  رەسەي فەدەراتسياسى ۇكى­مەتىنىڭ توراعاسى ۆلاديمير پۋتين ارا­سىندا وتكەن كەزدەسۋدە وسى ماسەلەلەر كەلىسسوزدىڭ نەگىزگى تاقىرىپتارىنىڭ ءبىرى بولدى. كەلىسسوزدەر بارىسىندا جە­كەلەگەن ۋاعدالاستىقتارعا قول جەتكىزىلدى. بۇل جايىندا كەلەسى نومىردە جان-جاقتى باياندايتىن بولامىز.