ەلوردانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەۋىن جالعاستىرىپ جاتىر. كۇن سايىن قالا كوشەلەرى مەن جولدارىن قاردان تازالاۋ جۇمىستارىنا ەكى مىڭعا جۋىق جول جۇمىسشىسى تارتىلادى, دەپ حابارلايدى Egemen.kz استانا اكىمدىگىنىڭ سايتىنا سىلتەمە جاساپ.
25 قاڭتارعا قاراعان ءتۇنى قالا سىرتىنداعى قار پوليگوندارىنا 16 مىڭ تەكشە مەتر قار نەمەسە 1 255 رەيس شىعارىلدى.
25 قاڭتار كۇنى تاڭەرتەڭ قار كۇرەۋ جۇمىستارىنا ەكى مىڭنان استام جول جۇمىسشى مەن مىڭعا جۋىق ارنايى تەحنيكا جۇمىلدىرىلدى.
قىس مەزگىلى باستالعالى بەرى استانادان 2,6 ميلليون تەكشە مەتردەن استام قار شىعارىلدى, بۇل 209,1 مىڭ اۋىر جۇك كولىگىنە تەڭ.