2022 جىلدىڭ جەلتوقسان ايىنىڭ سوڭىندا جاڭا پىسكەن كوكونىستەردىڭ باعاسى وتكەن جىلمەن سالىستىرعاندا 19,2% پايىزعا ءوستى, دەپ حابارلايدى Egemen.kz Energyprom.kz سايتىنا سىلتەمە جاساپ.
ەڭ كوپ باعا ءوسىمى الماتى وبلىسىندا (جىلىنا 32,2%), تۇركىستان (30,3%) جانە ۇلىتاۋ (27,1%) وبلىستارىندا تىركەلدى. باعانىڭ ەڭ از جىلدىق ءوسىمى باتىس قازاقستان وبلىسىندا (4,6%-عا) بايقالدى. ەلىمىزدىڭ 20 ءوڭىرىنىڭ ىشىندە جاڭا پىسكەن كوكونىستەردىڭ باعاسى تەك پاۆلودار وبلىسىندا 2,7%-عا عانا تومەندەدى.
قيار (47,9%-عا, كگ 931 تەڭگەگە), پياز (40,6%-عا, 124 تەڭگەگە), قىزاناق (22,2%-عا, 764 تەڭگەگە), كارتوپ (11,9%-عا, 155 تەڭگەگە), قىزىلشا دا ازداپ ءوستى (1,5%-عا, 235 تەڭگەگە دەيىن). ءبىر جىل ىشىندە ءسابىز باعاسى 0,8%-عا, 145 تەڭگەگە, اق ورامجاپىراق 15,2%-عا, كەلىسى 102 تەڭگەگە ارزاندادى.
كوكونىس يمپورتىنا كەلەتىن بولساق, 2022 جىلعى قاڭتار-قازان ايلارىنىڭ قورىتىندىسى بويىنشا بۇرىش يمپورتى ايتارلىقتاي ءوستى (2,8 ەسەگە, 28,3 مىڭ تونناعا دەيىن). سونىمەن قاتار قيار مەن گورنيچكا (85,7%-عا, 9,4 مىڭ توننا), سارىمساق (76,2%-عا, 4,1 مىڭ تونناعا دەيىن), اسقاباق (73,2%-عا, 62,1 مىڭ تونناعا دەيىن), قىرىققابات (61%-عا, 107,6 مىڭ تونناعا دەيىن) جانە قىزاناق (45%-عا, 56 مىڭ تونناعا دەيىن) باعالارى دا كوتەرىلدى.
كوكونىس ەكسپورتى بويىنشا, قازاقستاننان سىرتقى نارىقتارعا بۇرىش (63,6%-عا, 1,4 مىڭ تونناعا دەيىن), اس قىزىلشاسى (62%-عا, 1,1 مىڭ تونناعا دەيىن), باقشا داقىلدارى (56,1%-عا, 38,4 مىڭ تونناعا دەيىن), ءسابىز (32,1%-عا, 3,6 مىڭ تونناعا دەيىن), پياز (31,8%-عا, 109,9 مىڭ تونناعا دەيىن) جانە سارىمساق (18,5%-عا , 474,5 تونناعا دەيىن) باعالارى ءوستى
قىرىققابات, قيار مەن قىزاناق, بايالدى ەكسپورتى قىسقاردى.
كوكونىستەردىڭ نەگىزگى تۇرلەرى بويىنشا قازاقستان رەسپۋبليكاسىنا يمپورت ەكسپورتقا قاراعاندا بىرنەشە ەسە كوپ.