قر پرەمەر-ءمينيسترى ءاليحان سمايىلوۆ ىشكى نارىقتى جانار-جاعارماي ماتەريالدارىمەن قامتاماسىز ەتۋ ماسەلەلەرى جونىندە كەڭەس وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەڭەسكە قاتىسۋشىلار جانار-جاعارماي ماتەريالدارى نارىعىنداعى قازىرگى احۋالدى جانە قولدانىستاعى رەتتەۋ مەحانيزمدەرىنىڭ تيىمدىلىگىن تالقىلادى. شەكارادا ديزەل وتىنى مەن بەنزيندى باسقا مۇناي ونىمدەرىنىڭ تۇرلەرى رەتىندە (مازۋت, پەش وتىنى, ەرىتكىشتەر جانە ت.ب.) زاڭسىز شىعارۋ ارەكەتتەرى ورىن الىپ جاتقانى ايتىلدى.
پرەمەر-مينيستر ەنەرگەتيكا مينيسترلىگىنە مۇددەلى مەملەكەتتىك ورگاندارمەن بىرلەسىپ, اسىرەسە كوكتەمگى ەگىس جۇمىستارىن جۇرگىزۋ كەزەڭىندە وتىندى ەلدەن زاڭسىز شىعارۋ فاكتىلەرىنە باقىلاۋدى كۇشەيتۋ جانە ونداي جاعدايلاردىڭ جولىن كەسۋ جونىندە پارمەندى شارالار قابىلداۋدى تاپسىردى.
وتىرىستا مۇناي-گاز سالاسىنىڭ باسقا دا وزەكتى ماسەلەلەرى تالقىلاندى.