شىعىس قازاقستان وبلىسىنىڭ تاۋلى ايماقتارىندا 20-23 قاڭتار ارالىعىندا قار كوشكىنى ءجۇرۋى مۇمكىن, دەپ حابارلايدى Egemen.kz.
«قازسەلدەنقورعاۋ» شق فيليالىنىڭ مالىمەتىنشە, قالىڭ قار جۋعاننان كەيىن نەمەسە قاتتى ايازدان سوڭ كوشكىن قاۋپى ارتا تۇسەدى.
وڭىردە قار كوشكىنى ءجيى بولاتىن 497 جەر بار. اسىرەسە اۆتوجول بويىنداعى ۋچاسكەلەر اسا قاۋىپتى. اتاپ ايتقاندا, وسكەمەن-سامار, وسكەمەن-التاي, سوگورنوە-بارلىق, بەرەل-راحمانوۆ قاينارى (كاتونقاراعاي اۋدانى), زۋبوۆكا-پۋتينتسەۆو, لەنينوگورسك-چەكمار كەنىشى.
سونداي-اق كوشكىن قاۋپى بار ايماقتا ورنالاسقان 5 دەمالىس كەشەنى بار. ونىڭ ەكەۋى ريددەر قالاسىندا, ۇشەۋى تاۋلى ۇلبىدە.