جۇيەسىز تۋريستىك جارنا

كاسىپكەرلەر قولدانىستاعى جارنا جيناۋ تەتىگىن قۇپتاماي­تىنىن ايتىپ, تۋريستىك جارنانى 2024 جىلعا دەيىن كەيىنگە قالدىرۋدى سۇراپ وتىر. سونداي-اق 2024 جىلعا دەيىن جارنانى تولەۋ تەتىگىن بىرلەسىپ پىسىقتاۋدى ۇسىندى.

– كاسىپكەرلەر بۇل پراكتي­كاعا قارسى ەمەس, بىراق جارنانى تولەۋدىڭ ناقتى تەتىگى جولعا قويىلۋى كەرەك. بيز­نەس وكىلدەرى بىرنەشە رەت ۇسىنى­سىن ايتتى, ەسكەرتۋ جاسادى. وكىنىشكە قاراي, ولار ەسكەرىل­مەدى. اكىم­شىلەندىرۋ بويىنشا قول­دا­نىستاعى جۇكتەمە تولىعىمەن قوناقۇيلەرگە تۇسەدى. سوندىق­تان قاعي­دالاردى قايتا قاراپ, نارىقتىڭ ەس­كەر­تۋلەرىن نازارعا الۋ كەرەك, – دەدى «اتامەكەن» ۇلتتىق كاسىپكەرلەر پالاتاسى تۋريزم دەپارتامەنتىنىڭ ديرەكتورى داميليا قۇنانوۆا.

«قالالىق ءتۋريزمدى دامىتۋ ورتالىعى» قاۋىمداستىعىنىڭ اتقارۋشى ديرەكتورى تاتيانا ۆەرنيتسكايانىڭ ايتۋىنشا, جارنا كاسىپكەرلەردىڭ جۇكتەمەسىن ارتتىرادى. قازىردىڭ وزىندە «بۋحگالتەرلىك جانە سالىقتىق ەسەپتە جارنانى قالاي دۇرىس كورسەتۋ كەرەك» دەگەن سۇراقتار تۋىنداپ وتىر.

– قاعيدالاردىڭ قازىرگى نۇسقاسىندا تۋريستىك جارنانى پايدالانۋدىڭ ناقتى بەلگىلەنگەن ماقساتى مەن مىندەتى جوق ەكەنىنە نازار اۋدارعان ءجون. بۇل قاراجات قايدا جانە قالاي جۇمسالادى جانە قانداي ورگان ونى باقىلايدى؟ بالا­لار مەن زەينەتكەرلەرگە نەمەسە قوناقۇيگە تۋريزم ماقساتىن­دا ەمەس, جۇمىس ءۇشىن كەلگەن شەتەلدىكتەرگە قالاي سالىق سالىنادى؟ وسىنداي سۇراقتارعا ناقتى جاۋاپ الا الماي وتىرمىز, – دەدى ت.ۆەرنيتسكايا.

سونىمەن قاتار بيزنەس وكىل­دەرى حالىقارالىق تاجىريبەنى زەردەلەۋدى سۇراپ وتىر. وندا جارنا مولشەرلەمەسى بەكىتىلگەن, مولشەرلەمە قوناقۇي تاري­فىنە, ماۋسىمعا بايلانىستى بولمايدى. تۋريست قانشا تولەۋ كەرەگىن ناقتى بىلەدى. مىسا­لى, وزبەكستاندا جارنا مولشەر­لەمەسى 2 دوللار مولشەرىندە, رەسەي فەدەراتسياسىنىڭ ءۇش ايماعىندا 0-دەن 100 رۋبلگە دەيىن, ال يتاليا ايماق­تارىندا 5 ەۋرو مولشەرىندە بەلگىلەنگەن.

– ءبىز حالىقارالىق تاجىريبە­گە ساي­كەس Bed Tax ەنگىزۋدى تالقىلادىق. بىراق ۇكىمەتتىڭ قاۋلىسى نارىق وكىلدەرىمەن تالقىلاۋسىز قابىلداندى. سالدارىنان ستاتيستيكا مەن تۇرۋ قۇنى ارقىلى ەسەپتەلەتىن كۇردەلى نۇسقا پايدا بولدى. الەمدىك تاجىريبەدە قوناققا تۇسىنىكتى تۇراقتى سومانىڭ وڭتايلى تاجىريبەسى قول­دانى­لادى. ال قازىرگى قاعيدالار تۋريس­­تەردى شاتاستىرىپ, سالاعا كەرى اسەر ەتەدى, – دەدى قازاقستان قوناقۇيلەر مەن مەيرامحانالار قاۋىمداستىعىنىڭ پرەزيدەنتى راشيدا شايكەنوۆا.

مادەنيەت جانە سپورت مي­نيستر­لىگى تۋريزم يندۋسترياسى كوميتەتىنىڭ توراعاسى داستان رىس­پەكوۆ كاسىپكەرلەردىڭ سۇراعى­نا جاۋاپ بەرىپ, قاعيدالار­دىڭ قولدانىستاعى رەداكتسيا­سىن ۇستانۋعا تۋرا كەلەتىنىن مالىمدەدى.

– سوماسى بەكىتىلگەن مول­شەر­لەمەنى ەنگىزۋ دەگەن ماسە­لە تالقىلانبايدى, ويتكەنى بۇل قولدانىستاعى قاعيدالار. سالىق جۇيەسى بويىنشا ءبارىمىز ەڭبەك­اقىمىزعا بايلانىس­تى سالىق تولەيمىز. ەگەر ءبىز سوماسى بەكىتىلگەن تاريفتەردى ەنگىزسەك, سۇراقتار تۋىندايدى. ويتكەنى قوناقۇيلەردە باعا ساياساتى ءارتۇرلى. قازىرگى كەزدە جەرگىلىكتى اتقارۋشى ورگانداردىڭ ءماسليحاتتارى ەلىمىزدىڭ 28 قالاسى مەن اۋدانىندا مولشەرلەمەلەر قابىلدادى. تاريفتەر 1 پايىزدان 5 پايىزعا دەيىنگى ارالىقتى قۇرايدى, – دەدى د.رىسپەكوۆ.

«اتامەكەن» ۇلتتىق كاسىپ­كەر­لەر پالاتاسى جاۋاپتى ۆەدومستۆو تاراپىنان كاسىپكەر­لەردىڭ سۇراقتارىنا جاۋاپ بولماعاندىقتان, نارىقتىڭ پىكىرىن ەسكەرە وتىرىپ, 2023 جىلعا ارنالعان نولدىك مولشەر­لەمەنى قولدانۋ, جارنانى ىسكە اسىرۋ تەتىگىن پىسىقتاۋ, پايىز­دىق مولشەرلەمەنى بەلگىلەنگەن مولشەرلەمەگە اۋىستىرۋ جانە ەنگىزىلگەن قاعيدالاردى 2024 جىلدان باستاپ استانا, الماتى قالالارىندا قاناتقاقتى رەجىمدە سىناقتان وتكىزۋدى قايتا ۇسىندى.

ەسكە سالايىق, بۇعان دەيىن «اتامەكەن» پالاتاسىنىڭ تۋريس­تىك سالا كوميتەتى ەل ۇكى­مەتىنە Bed Tax تۋريستىك جارناسىن ەنگىزۋ ءتارتىبىن قايتا قاراۋ تۋرالى ءوتىنىش جولداعان بولاتىن. پالاتانىڭ كوميتەتى جارنانىڭ ەڭ جوعارى مولشەرلەمەسىن قولدانىستاعى نورمامەن ەنگىزۋ ءتۋريزمنىڭ بۇكىل سالاسى ءۇشىن قيسىنسىز ءارى زيان دەپ سانايدى.