بۇگىندە تالاس جانە سارىسۋ اۋدانىندا توتەنشە جاعداي سالدارىنان تۋىنداعان ماسەلەنى جويۋ بويىنشا ناقتى جۇمىس اتقارىلىپ جاتىر. دۇلەي داۋىل سالدارىنان ب ۇلىنگەن جاڭاتاس قالاسىنداعى 7 نىسانعا كۇردەلى جوندەۋ جۇمىستارى باستالىپ كەتتى. ءوڭىر باسشىسىنىڭ تاپسىرماسىنا سايكەس جۇمىستى ساپالى ءارى تەز ارادا اياقتاۋ ءۇشىن جەرگىلىكتى مەردىگەرلەر جۇمىلعان جۇدىرىقتاي ەڭبەك ەتۋدە. ولار وزدەرىنە جۇكتەلگەن مىندەتتى ساپالى ءارى جەدەل اياقتاۋعا مۇددەلى. اتالعان نىساندارداعى جۇمىستار 60-70 پايىزعا تامامدالعان.
وبلىس اكىمدىگىنىڭ ءباسپاسوز قىزمەتى تاراتقان دەرەكتەرگە زەر سالساق, اۋداندىق ەلەكتر جەلىلەرىن تاراتۋ مەكەمەلەرى تاراپىنان 270 نىساندا ءتيىستى دەڭگەيدە جۇمىستار جۇرگىزىلگەن. ناتيجەسىندە, 100 شاقىرىم جەلىنىڭ 91-ىندە قالپىنا كەلتىرۋ جۇمىستارى اياقتالعان. قالعان جۇمىستار جالعاسىن تاۋىپ جاتىر. بۇگىنگى تاڭدا جاڭاتاس قالاسىنىڭ جىلىتۋ, اۋىزسۋ جانە كارىز جۇيەلەرى قالىپتى رەجىمدە جۇمىس ىستەپ تۇر.
توتەنشە جاعداي كەزىندە جاڭاتاس قالاسىنداعى ەلەكتر باعانالارى قۇلاپ, ەلەكتر جەلىلەرى ءتيىستى كەرنەۋدى تاراتۋدا كەدەرگى تۋىنداعان. سوعان بايلانىستى «جاڭاتاسسۋجىلۋ» مكك جۇمىسىن توقتاتۋعا ءماجبۇر بولعان. سول كەزدە قازاندىقتىڭ جەكە گەنەراتورلارىنىڭ قۋاتى اينالىم-سورعىلارىنىڭ قىزمەتىن قالىپقا كەلتىرگەنشە استانادان جەتكىزىلگەن ءىرى ديزەل گەنەراتورى پايدالانىلىپ, قالانى اۋىزسۋمەن قامتۋ جۇزەگە اسىرىلدى.
تالاس اۋدانى قاراتاۋ قالاسى بويىنشا زارداپ شەككەن 14 عيماراتتىڭ 13-ىندە كۇردەلى جوندەۋ (شاتىرلارىن تولىق اۋىستىرۋ), ال 1 نىساندا اعىمداعى جوندەۋ جۇمىستارى قارقىندى جۇرگىزىلۋدە. بارلىق نىسان بويىنشا قايتا مونتاجداۋ جۇمىستارى اياقتالىپ, قاجەتتى قۇرىلىس ماتەريالدارى جەتكىزىلىپ, جوندەۋ جۇمىستارى كۇن ساناپ ءتامامدالىپ كەلەدى. قاراتاۋلىقتارعا سۋ, جارىق, جىلۋ ۇزدىكسىز بەرىلۋدە. بۇل جاعىنان ەشقانداي ماسەلە جوق.
بۇدان بولەك, اۋدانداعى ەسەيحان اۋىلىنداعى ەلەكتر جەلىلەرى تولىق قالپىنا كەلتىرىلىپ, 170 ابونەنت جارىقپەن قامتىلسا, قاسقابۇلاق اۋىلىنداعى 143 ابونەنت جانە قاراوي اۋىلىنداعى 76 ابونەنتتىڭ بارلىعىنا ديزەل گەنەراتورلارى ارقىلى ەلەكتر قۋاتى جەتكىزىلگەن. جەرگىلىكتى حالىق قالىپتى ءومىر اعىمىنا تۇسكەنىنە بەك قۋانىشتى.
بۇگىنگى تاڭدا ەسەيحان اۋىلىنان قاراوي اۋىلىنا دەيىنگى 18 شاقىرىمداعى جارامسىز بولىپ قالعان 40 ەلەكتر باعاناسىن قالپىنا كەلتىرۋ جۇمىستارى قولعا الىنعان. وعان بارلىعى 56 ادام جانە 11 تەحنيكا جۇمىلدىرىلعان. قاراوي اۋىلىنىڭ ىشكى ەلەكتر جۇيەسى جارىق بەرۋگە تولىق دايىن. قىسقاسى, ەلدى مەكەندەگى ماسەلەنى تولىقتاي شەشۋدىڭ بارلىق العىشارتى قاراستىرىلىپ وتىر.
ەسەيحان-قاسقابۇلاق باعىتىنداعى ۆل-10 كۆت ەلەكتر جەلىسىنىڭ تولىق جارامسىز بولىپ قالۋىنا بايلانىستى ەلەكتر جۇيەلەرىنىڭ ماتەريالدىق جابدىقتارى جيناقتالىپ, ءتيىستى جۇمىستار اتقارىلىپ جاتىر.
بۇل ەلدى مەكەندەرگە قويىلعان گەنەراتورلار ەسەبىنەن اۋىزسۋ تۇراقتى بەرىلىپ تۇر. نەگىزگى اۋىزسۋ بەرۋ ستانساسىنىڭ ەلەكتر جەلىلەرىن قالپىنا كەلتىرىلۋ جۇمىستارى قارقىندى تۇردە جۇرگىزىلىپ جاتىر. قازىرگى كەزدە تۇرعىندار تاراپىنان ازىق-ت ۇلىك ونىمدەرىنە دەگەن سۇرانىسقا ساي قامتۋ شارالارى مىقتاپ قولعا الىنعان. بۇل ماسەلەدە ەشقانداي قيىندىق تۋىنداپ تۇرعان جوق. بۇگىندە اتالعان اۋداندارداعى قاتتى داۋىلدان كەلگەن شىعىن كولەمى ەسەپتەلىپ جاتىر. الداعى ۋاقىتتا شىعىن كولەمى تولىقتاي ناقتىلاناتىن بولادى.
جامبىل وبلىسى