حالىقارالىق شارتتىڭ كومەگى كوپ

باس پروكۋراتۋرانىڭ مالىم­دەۋىنشە, بۇگىندە ەلىمىز – قۇرامىنا سولتۇستىك جانە وڭتۇستىك امەري­كا­نىڭ 27 ەلى كىرەتىن 3 امەريكا-ارا­لىق كونۆەنتسيانىڭ تولىق قا­تىسۋ­شىسى. ال بۇل كونۆەنتسيالار ۇستاپ بەرۋ, قىلمىستىق ىستەر بو­يىنشا قۇقىقتىق كومەك جانە شەتەلدە قىلمىستىق جازاسىن وتەۋگە قاتىستى.

جالپى, قازاقستان سوڭعى ۋا­قىت­تا قىلمىسقا قارسى ءىس-قيمىل ماسەلەلەرى بويىنشا شەت مەملەكەتتەرمەن حالىقارالىق ىنتى­ماق­تاستىقتى دامىتۋ باعىتىنداعى جۇ­مىستى جانداندىرىپ كەلەدى. قا­­زىرگى ۋاقىتتا مەملەكەت باسشى­سى­نىڭ جارلىقتارىمەن پەرۋ رەس­پۋبليكاسىمەن بارلىق شارتتار, ما­لايزيامەن ۇستاپ بەرۋ, مىسىر­مەن قىلمىستىق ىستەر بو­يىن­شا قۇقىق­تىق كومەك جانە ۇستاپ بەرۋ تۋرالى شارتتار ماقۇلدانعان. قۇجاتتار قول قويۋعا دايىن.

پارلامەنتتە فرانتسيامەن قىل­مىس­تىق ىستەر بويىنشا قۇقىقتىق كومەك جانە وزبەكستانمەن سوتتالعان ادامداردى بەرۋ تۋرالى شارتتار­دى راتيفيكاتسيالاۋ تۋرالى زاڭ جو­بالارى قارالىپ جاتىر. سون­داي-اق مىسىر جانە يزرايلدىك ارىپتەستەرمەن سوتتالعانداردى بە­رۋ, ارگەنتينامەن قىلمىستىق ىستەر بويىنشا قۇقىقتىق كو­مەك كورسە­تۋ جانە ۇستاپ بەرۋ, پور­تۋگا­ليا, سلو­ۆاكيا, لاتۆيا جانە يران­مەن قىل­مىستىق ىستەر بويىن­شا قۇقىق­تىق كومەك كورسەتۋ تۋرالى, ال ما­روك­­كو­مەن بارلىق ءۇش كەلىسىمگە قول قويۋ جونىندە كەلىسسوزدەر جۇرگىزىلىپ جاتىر.

«قول جەتكىزىلگەن قۇقىقتىق بازا جانە شەتەلدىك ارىپتەستەرمەن ورناتىلعان بايلانىستار قىل­مىس­­تىق-قۇقىقتىق سالادا تى­عىز ىنتى­ماقتاسۋعا جانە قىل­مىس­كەر­لەردى جازالاۋدىڭ بۇلتارت­پاستى­عىن قامتاماسىز ەتۋگە مۇمكىن­دىك بەرە­دى», دەيدى باس پروكۋراتۋرا وكىلدەرى.

ۆەدومستۆو ۇسىنعان مالىمەتتەرگە دەن قويساق, وتكەن جىلى شەت مەملەكەتتەر قازاقستاننىڭ ىزدەۋدە جۇرگەن ادامداردى ۇستاپ بەرۋ تۋرالى 50 سۇراۋ سالۋىن قاناعاتتاندىرعان.مىسالى, وتكەن جىلى باحرەين كورولدىگى كامەلەتكە تولماعان قىز­­دار­دى قازاقستاننان باحرەينگە جى­نىستىق پايدالانۋعا جىبەرگەنى ءۇشىن كۇدىكتى ا.پيچۋگيندى ۇستاپ بەرگەن ەدى.

«ربك بانكى» اق-نىڭ 15 ملن دوللاردان استام سوماسىن ۇرلادى دەگەن كۇدىكتى ۆ.ۆلاسوۆ, «Qi TRADE Kazakhstan», «ۆىگودنىە زاي­مى» قارجى پيراميدالارىن قۇرىپ, باسشىلىق ەتكەنى ءۇشىن ىزدەۋدە جۇرگەن س.ابسامەتوۆا, ب.تومين, ە.شاريفۋللين, سونداي-اق قۇرا­مىندا 1 ملرد تەڭگەدەن استام سوماعا التىنى بار ماتەريالدى قىلمىستىق توپتىڭ قۇرامىندا ۇرلاعانى ءۇشىن ا.تيماكوۆانى رەسەي تاراپى ۇستاپ بەرگەن بولاتىن. ال قىرعىزستان ترانسۇلتتىق ۇيىمداسقان توپتىڭ قۇرامىندا اسا ءىرى مولشەردە التىن مەن زەرگەرلىك بۇيىمداردىڭ ەكونوميكالىق كونترابانداسى ءۇشىن ىزدەۋدە جۇرگەن تاستان ەبۋبەكيردى ۇستاپ بەرۋ تۋرالى سۇرانىستى قاناعاتتاندىردى.

قارۋ قولدانۋ ارقىلى ادام ولتىرگەنى ءۇشىن ىزدەۋدە جۇر­گەن و.يسسالى مەن ب.يسابەكوۆ تا­جىك­­ستاننان ەكستراديتسيالانعان. الاياقتىق جولىمەن 288 ملن تەڭگە­نى جىمقىرىپ كەتكەننەن كەيىن ەلىمىز­دىڭ قۇقىق قورعاۋ ورگاندارى ىزدەپ جۇرگەن ا.سمالباەۆانى وزبەكستان تاراپى ۇستاپ بەرگەن ەدى.

مەملەكەت باسشى­سىنىڭ تاپسىرماسى نەگىزىندە شەتەل­دەن زاڭ­­سىز شىعارىلعان اكتيۆ­تەردى قاي­تارۋ بويىنشا دا كەشەن­دى جۇ­مىس جۇرگىزىلىپ كەلەدى. ەكو­نو­مي­كالىق رەسۋرستاردىڭ زاڭ­سىز شوعىرلانۋىنا قارسى ءىس-قي­مىل ماسەلەلەرى جونىندەگى ۆەدوم­ستۆو­ارالىق كوميسسياعا باس پروكۋرور باسشىلىق ەتەدى. سونىمەن قاتار قازىرگى تاڭدا ۇكىمەت جانە باسقا دا مۇددەلى مەملەكەتتىك ورگاندار بىرلەسىپ زاڭسىز شىعارىلعان اكتيۆتەردى قايتارۋ جونىندەگى قوسىم­شا شارالار كەشەنىن قامتيتىن زاڭ جوباسىن ازىرلەپ جاتىر.