ونلاين-ساۋدا ولجاسى

OLX.kz ونلاين-حابارلاندىرۋ سەرۆيسىنىڭ ساراپشىلارى سەرۆيس دەرەكتەرىنە سۇيەنە وتىرىپ, 2022 جىلدىڭ قورىتىندىسىن شى­­­عارىپتى. ءبىز كەلتىرگەن دە­رەك­تىڭ ءبارى سوندا قامتىلعان. سو­نى­­مەن سوڭعى دەرەكتەرگە نازار اۋدار­ساق. سەرۆيس اۋديتورياسى وت­كەن جىلى ايىنا 11 ملن بەل­سەن­دى پايدالانۋشىعا جەتكەن, ال بەرىلگەن حابارلاندىرۋلار سانى 25,5 ملن-نان استى. بىلتىر OLX-تە مينۋتىنا ورتا ەسەپپەن 12 مامىلە جاسالعان. ونلاين-ساۋ­دا­داعى ەڭ تانىمال ساناتتارعا «ۇيالى تەلەفوندار», «جىلجىماي­تىن م ۇلىك» جانە «جيھاز جاساۋ» كىرىپ وتىر. سەرۆيستە جۇمىس ىزدەۋ بويىنشا 120 مىڭنان استام تۇيىندەمە ورنالاستىرىلعان. حابارلاندىرۋلار سانى بويىنشا ەڭ قارقىندى ءوسىپ كەلە جاتقان سا­ناتتىڭ ءبىرى – «كولىك». مۇندا «اۆتوموبيل بولشەكتەرىن ساتۋ» جا­نە «قالاارالىق تاسىمالداۋ» قىز­مەتتەرىنە سۇرانىس جوعارى ەكەن.

«2022 جىلدىڭ نەگىزگى ترەندى رەتىندە شاعىن جانە ورتا بيزنەستىڭ ونلاين-رەجىمگە اۋىسۋ ديناميكاسىن جالعاستىرۋىن ايتۋعا بولادى. وزدەرىڭىز بىلەتىندەي, پاندەميانىڭ, سونداي-اق ەكونوميكالىق جانە ساۋدا بايلانىستارىنىڭ ايتارلىقتاي بۇزىلۋىنىڭ سالدارىنان وتاندىق شاعىن جانە ورتا بيزنەس جاپ­پاي ونلاين-رەجىمگە كوشىپ جاتىر. تيى­سىنشە, قوعامدا تسيفرلىق تۇتىنۋ ادەتى قالىپتاسۋدا. وسىلايشا, بيزنەس كەز كەلگەن قاجەتتىلىكتەردى ۇز­­دىك­سىز ءارى شەكسىز جۇزەگە اسىرۋعا مۇمكىندىك بەرەتىن پلاتفورمالارعا نازار اۋدارا باستادى. ءسويتىپ, شاعىن جانە ورتا بيزنەستىڭ وكىل­دەرى ءۇشىن ونلاين پلاتفورمالار جۇمىستى جالعاستىرۋدا جانە جاڭا كليەنتتەردى تارتۋدا ۇلكەن كو­مەك بولىپ وتىر. ايتالىق, بىلتىر OLX.kz سەرۆيسى بازاسىندا اشىلعان ينتەرنەت-دۇكەندەر سانى 2021 جىلعى كورسەتكىشتەن 4 ەسە اسىپ تۇسكەن», دەپ حابارلادى ساراپشىلار.

بىلتىر سەرۆيستەگى حابارلان­دىرۋ­لاردىڭ ەڭ كوپ بولىگىن الما­تى جانە استانا قالالارىنىڭ تۇر­­عىندارى ورنالاستىرعان. حابار­لاندىرۋلاردىڭ جالپى سانىنىڭ 24 پايىزى الماتىلىقتارعا, 15 پا­يىزى استانالىقتارعا تيەسىلى. تۇر­كىستان جانە ۇلىتاۋ ءوڭىرى تۇرعىن­دارىنىڭ بەلسەندىلىگى تومەن ەكەن. ولاردىڭ ۇلەسى 1 پايىزعا زورعا جەتەدى.

وتكەن جىلى سەرۆيستەگى ەڭ قىم­بات حابارلاندىرۋ قۇنى 800 ملن تەڭگەنى قۇراپتى. ساعاتىنا 300 تەكشە مەتر بەتون وندىرەتىن زاۋىتتىڭ يەسى وسىنداي باعانى كورسەتكەن. بۇعان قوسا «قاراعاندى» قوناق­ۇيىن 280 ملن تەڭگەگە ساتۋ تۋرالى حابارلاما ورنالاستىرىلعان. ۇشتىكتى قۇنى 260 ملن تەڭگە بولاتىن بۇر­عىلاۋ قوندىرعىسىنىڭ ساتىلىمى تۇيىندەپ تۇر.

كەز كەلگەن ماۋسىمدا سۇرانىس­تان تۇسپەيتىن ەڭ تانىمال ساناتتار­دىڭ كوشىن «پاتەر» ساناتى باستاپ تۇر. كوكتەم مەن جازدا ۆەلوسيپەدتەرگە دەگەن سۇرانىس ارتادى ەكەن. سونداي-اق تۇرعىندار قىستا, جازدا جانە كۇزدە ونلاين-سەرۆيسكە جۇمىس ىزدەۋ ءۇشىن ۇزدىكسىز كىرەتىنى بەلگىلى بولدى.

ساتۋشىلار «تەلەفونداردى ساتۋ», «تاسىمالداۋ» جانە «اۆتو­كولىك بولشەكتەرىن ساتۋ» ساناتتارى بويىنشا كوپ حابارلاندىرۋ ورنالاستىراتىنى انىقتالدى.

كوبىنەسە ينتەرنەت-دۇكەندەر سەرۆيستە ۇيالى تەلەفوندار/سمارت­فوندار, جابدىقتار مەن شيكى­زاتتار, كومپيۋتەرلەر ساتۋ, پاتەر­لەر­دى ۇزاق مەرزىمگە جالعا بەرۋ قىز­­­مەتتەرىن, قۇرىلىس, ديزاين جانە پولي­گرافيا قىزمەتتەرىن جۇ­­زە­گە اسىرىپتى. سونداي-اق دا­يىن بيز­­نەستى ساتۋ, قارجىلىق جانە جي­ھاز ج­اساۋ قىزمەتتەرىن ۇسىنعان.

OLX.kz-تەگى حابارلاندىرۋلارعا دەن قويساق, وتكەن جىلدىڭ قورى­تىندىسى بويىنشا بارلىق سا­نات­تاعى جىلجىمايتىن م ۇلىكتىڭ شار­شى مەترى ورتاشا ەسەپپەن 20 پا­يىز­عا, ال كوممەرتسيالىق ءۇي-جاي­لاردىڭ قۇنى ورتاشا ەسەپپەن 22 پا­يىزعا وسكەن. ال كولىك نارىعى بارلىق سانات بويىنشا حابارلاندىرۋلار سانىنىڭ تومەندەۋىن كورسەتكەن. قايتالاما نارىقتا وتان­دىق جەڭىل ءاۆتوموبيلدىڭ ور­تا­شا قۇنى 750 مىڭ تەڭگەنى, شە­تەل­­دىك ماركالار 1,5 ملن تەڭگەنى قۇراعان.

ەڭبەك نارىعىندا جۇمىس ىزدەۋ­شىلەردىڭ سۇرانىستارى مەن جۇ­مىس بەرۋشىلەردىڭ ۇسىنىستارى ارا­سىنداعى الشاقتىق الىستاي تۇسكەن. قاشىقتان جۇمىس ىزدەۋشىلەر سانى 32 پايىزعا وسسە, ال قاشىقتان جۇ­مىس ۇسىناتىنداردىڭ ۇلەسى ءتىپتى ازا­يىپ كەتكەن – 2 پايىز. پاي­دا­لانۋشىلاردىڭ وزدەرىنە قو­لايلى كەستەمەن جۇمىس ىستەۋگە قا­تىستى سۇرانىستارى 45 پايىزعا وسكەن. بۇل رەتتە قولايلى كەستەمەن جۇمىس ۇسىناتىندار ايتارلىقتاي ازايعان – ۇلەسى 6 پايىز. ۆاحتالىق جۇمىسقا دەگەن سۇرانىس بىرنەشە جىل قاتارىنان جوعارى بولىپ تۇر.