جەڭىس قاسىمبەك Instagram پاراقشاسىندا 20-دان اسا وتباسىنى قابىلداپ, بىرقاتار ماسەلە تالقىلانعانىن ءمالىم ەتتى, دەپ حابارلايدى Egemen.kz اكىمدىككە سىلتەمە جاساپ.
ء«ار جۇما سايىن ازاماتتاردى جەكە قابىلدايمىن. بۇگىن ونلاين رەجيمدە تاعى 20-دان اسا وتباسىنى قابىلدادىم. الەۋمەتتىك, مەديتسينالىق كومەك كورسەتۋ, بالاباقشاعا ورنالاستىرۋ, قۇرىلىسى ۇزاققا سوزىلعان نىسانداردى اياقتاۋ, اباتتاندىرۋ, ينجەنەرلىك جەلىلەر سالۋ سەكىلدى وزگە دە ماسەلەلەر كوتەرىلدى.
قوزعالعان پروبلەمالاردىڭ ءبىر بولىگى سول جەردە شەشىلەدى. ال قالعان بولىگى بويىنشا شەشۋ جۇمىسىن قولعا الامىز, ويتكەنى جۇيەلى ماسەلەلەردى رەتتەۋگە ۋاقىت قاجەت. وسىعان دەيىن ايتقانىمداي, بيىل سۋمەن, جىلۋمەن جابدىقتاۋ جانە ت.ب. قۋاتىن ارتتىرۋعا مۇمكىندىك بەرەتىن بىرقاتار ينفراقۇرىلىمدىق نىساننىڭ قۇرىلىسىن اياقتاۋدى جوسپارلاپ وتىرمىز. سول سياقتى تاعى 13 مەكتەپ سالامىز, جەكە بالاباقشالارعا 9 مىڭ ورىنعا مەملەكەتتىك تاپسىرىس بەرەمىز, قۇرىلىسى ۇزاققا سوزىلعان نىسانداردى اياقتايمىز, جەڭىلدىكپەن بەرىلەتىن قولجەتىمدى تۇرعىن ۇي سالامىز جانە ت.ب.
ازاماتتاردى قابىلداۋعا egov.kz, e-otinish پورتالى نەمەسە قالا اكىمدىگىنىڭ كەڭسەسى ارقىلى جازىلۋعا بولادى», دەپ جازدى ەلوردا اكىمى.