«الەۋمەتتىك مەديتسينالىق ساقتاندىرۋ قورى» كەاق ماڭعىستاۋ وبلىسى بويىنشا فيليالىنىڭ بۇرىنعى ديرەكتورى رۋسلان بەكتىباەۆتى ۇستاۋعا قاتىستى رەسمي ورگاندار پىكىر ءبىلدىردى, دەپ حابارلايدى Egemen.kz.
ۆەدومستۆودا حابارلاعانداي, 2022 جىلدىڭ اقپان-تامىز ايلارىندا الەۋمەتتىك مەديتسينالىق ساقتاندىرۋ قورى قوردىڭ بارلىق فيليالدارىنىڭ جۇمىسىن كەشەندى تەكسەرۋگە باستاماشىلىق جاسادى.
2022 جىلعى ماۋسىمدا ماڭعىستاۋ وبلىسىنا 2017-2021 جىلدار كەزەڭىندە تەكسەرۋ جۇرگىزىلدى. بۇل تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە مەديتسينالىق قىزمەتتەردى ساتىپ الۋ شارتتارىن جاساسۋ كەزىندە جىبەرىلگەن بىرقاتار بۇزۋشىلىقتى انىقتاۋعا مۇمكىندىك بەردى.
«تەكسەرۋ بارىسىندا جالعان مەديتسينالىق قىزمەت كورسەتۋ دەرەكتەرى انىقتالىپ, ولار مەديتسينالىق اقپارات جۇيەلەرىنە ەنگىزىلگەنى انىقتالدى. وسىلايشا, كورسەتىلمەگەن اۋرۋحاناعا جاتقىزۋ جانە ۆاكتسيناتسيا فاكتىلەرى انىقتالدى», دەلىنگەن حابارلامادا.
2022 جىلعى تامىزدا قور وسى فاكتى بويىنشا ءىس جۇرگىزۋ شەشىمىن قابىلداۋ ءۇشىن ءتيىستى ورگاندارعا ءوتىنىش جولدادى.
بۇعان دەيىن اقتاۋدا الەۋمەتتىك جانە مەديتسينالىق ساقتاندىرۋ قورى فيليالىنىڭ باسشىسى رۋسلان بەكتىباەۆ قارجىلىق الاياقتىق جاساعانى ءۇشىن قاماۋعا الىنعانىن حابارلاعان ەدىك.