استانا قالاسىنىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەپ جاتىر. قىس باستالعالى بەرى قالادان 1,7 ملن تەكشە مەتردەن اسا قار شىعارىلدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
10 قاڭتار كۇنى تاڭەرتەڭ ەلوردا كوشەلەرىن قار مەن مۇزدان تازارتۋعا 2 مىڭعا جۋىق جۇمىسشى شىعىپ, مىڭنان استام ارنايى تەحنيكا جۇمىلدىرىلدى.
9 قاڭتاردان 10-ىنا قاراعان ءتۇنى قالادان 1 673 تەكشە مەتر قار شىعارىلدى, بۇل 204 اۋىر جۇك كولىگىنە تەڭ.
قىس مەزگىلى باستالعالى بەرى پوليگوندارعا 1,7 ميلليون تەكشە مەتردەن استام قار شىعارىلدى.
قازىر قالادا 30 گرادۋس اياز ورناپ تۇر.
«ەلوردا تۇرعىندارى مەن قوناقتارى كوكتايعاق كەزىندە قاۋىپسىزدىك ەرەجەلەرىن قاتاڭ ساقتاۋى جانە كوشەدە ۇزاق ۋاقىت جۇرمەۋى كەرەك», دەلىنگەن اكىمدىك حابارلاماسىندا.