قازاقستاندا سەيسمولوگيا ينستيتۋتى مەن سەيسمولوگيالىق تاجىريبەلىك-ادىستەمەلىك ەكسپەديتسيانى ۇلتتىق سەيسمولوگيالىق باقىلاۋ جانە زەرتتەۋ عىلىمي ورتالىعىنا بىرىكتىرۋ ارقىلى قايتا قۇرۋ جوسپارلانىپ وتىر. بۇل تۋرالى قر ۇكىمەتىنىڭ مەملەكەتتىك مەنشىكتىڭ كەيبىر ماسەلەلەرى تۋرالى قاۋلىسىندا ايتىلعان, دەپ حابارلايدى Egemen.kz.
«زاڭنامادا بەلگىلەنگەن تارتىپپەن «سەيسمولوگيا ينستيتۋتى» جشس مەن «سەيسمولوگيالىق تاجىريبەلىك-ادىستەمەلىك ەكسپەديتسيا» جشس بىرىكتىرۋ جولىمەن جارعىلىق كاپيتالىندا مەملەكەتتىڭ ءجۇز پايىز قاتىسۋىمەن «سەيسمولوگيالىق باقىلاۋلار مەن زەرتتەۋلەر ۇلتتىق عىلىمي ورتالىعى» جشس بولىپ قايتا قۇرىلسىن», دەلىنگەن قۇجاتتا.
قاۋلىعا سايكەس, جشس قىزمەتىنىڭ نەگىزگى تۇرلەرى - سەيسميكالىق قاۋىپتى باعالاۋ, كۇشتى جەر سىلكىنىستەرىنىڭ عىلىمي بولجامى, ءىرى ەلدى مەكەندەر مەن ستراتەگيالىق وبەكتىلەردەگى سەيسميكالىق قاۋىپتى باعالاۋ, سونداي-اق ەلدىڭ سەيسميكالىق قاۋىپتى اۋماقتارىندا كەشەندى سەيسمولوگيالىق مونيتورينگ جۇرگىزۋ.
قاۋلى 2022 جىلدىڭ 21 جەلتوقساندا كۇشىنە ەندى.