قاراعاندىدا جولداردى قاردان تازارتۋ جۇمىستارىنا 160 جۇمىسشى مەن 180-نەن استام ارنايى تەحنيكا جۇمىلدىرىلدى. ءبىر تاۋلىك ىشىندە قالا اۋماعىنان 18 مىڭ تەكشە مەتردەن استام قار شىعارىلدى, دەپ حابارلايدى Egemen.kz.
قالا اكىمدىگى ۇسىنعان مالىمەتكە قاراعاندا, بۇگىن قاراعاندى جولدارى مەن تروتۋارلارىن قاردان تازالاۋعا 184 ارنايى تەحنيكا مەن 160 جول جۇمىسشىسى جۇمىلدىرىلعان.
ء«بىرىنشى كەزەكتە قاردى اۆتوبۋس مارشرۋتتارى وتەتىن نەگىزگى ماگيسترالداردان, قوعامدىق كولىكتىڭ كىرمە ايالداما قالتالارىنان, تروتۋارلاردان, جاياۋ جۇرگىنشىلەر وتكەلدەرىنەن جانە ودان ءارى باسقا ۋچاسكەلەردەن شىعارامىز», دەپ حابارلادى قالا اكىمدىگى.
اۋا رايىنىڭ قولايسىزدىعىنا بايلانىستى قار تازالاۋ تەحنيكاسىنىڭ جۇمىسى كۇشەيتىلگەن رەجيمدە – ەكى اۋىسىمدا جۇرگىزىلىپ جاتىر.
سوڭعى تاۋلىكتە قالا اۋماعىنان 18 مىڭ تەكشە مەتر قار شىعارىلدى.