مەملەكەت باسشىسى قاسىم-جومارت توقاەۆ جاڭا جىل تۇنىندە جۇمىس ىستەگەن قازاقستاندىقتارعا العىسىن ءبىلدىردى, دەپ حابارلايدى Egemen.kz.
«جاڭا جىل تۇنىندە ازاماتتاردىڭ قاۋىپسىزدىگى مەن دەنساۋلىعىن ساقتاۋ, سونداي-اق ماڭىزدى نىسانداردىڭ ۇزدىكسىز جۇمىس ىستەۋىن قامتاماسىز ەتۋ ءۇشىن ەڭبەك ەتكەن مەديتسينا قىزمەتكەرلەرىنە, قۇتقارۋشىلارعا, ءورت سوندىرۋشىلەرگە, پوليتسەيلەرگە, اسكەري قىزمەتشىلەرگە, كوممۋنالدىق جانە باسقا دا سالالارداعى ازاماتتارعا العىس ايتامىن. سىزدەرگە زور دەنساۋلىق, باق-بەرەكە تىلەيمىن», دەدى مەملەكەت باسشىسى Instagram پاراقشاسىندا.