2023 جىلدان باستاپ جەڭىلدەتىلگەن اۆتونەسيە بويىنشا بارلىق قولدانىستاعى باعدارلامالاردىڭ شارتتارى بىرىڭعايلانادى. بۇل تۋرالى قازاقستان دامۋ بانكىنىڭ ءباسپاسوز قىزمەتى حابارلادى, دەپ جازادى Egemen.kz.
«ازاماتتارعا ىڭعايلى بولۋ, تەڭ جاعدايلاردى قامتاماسىز ەتۋ جانە حالىقتى كوبىرەك قامتۋ ءۇشىن ەكى قولدانىستاعى باعدارلامانىڭ وڭتايلى نۇسقالارى پايدالانىلادى. بۇل ءتاسىل قازاقستاندىقتارعا بىركەلكى جانە اشىق ەرەجەلەرگە سايكەس وتاندىق ءوندىرىستىڭ جاڭا كولىكتەرىن ساتىپ الۋعا كوبىرەك قاراجات ۇسىنادى», دەلىنگەن حابارلامادا.
ىسكە قوسۋ كۇنىنە ەكى باعدارلاما بويىنشا جيناقتالعان قاراجات كولەمى - شامامەن 13 ملرد تەڭگە. بۇل كەمىندە 1300 جاڭا اۆتونەسيە بەرۋگە مۇمكىندىك بەرەدى. الداعى ۋاقىتتا رەۆولۆەرلىك ادىسپەن جيناقتالعان قاراجاتتى اي سايىن ءبولۋ جوسپارلانىپ وتىر.