سەمەيدە كالگاري ۋنيۆەرسيتەتىنىڭ فيليالى اشىلادى

ء«بىز ەلباسىنىڭ الەمنىڭ جەتەكشى ۋنيۆەرسيتەتتەرىن تارتۋ جونىندەگى تاپسىرماسىن ورىنداي وتىرىپ, ماقساتتى تۇردە جۇمىس جاسادىق. كانادا ءبىلىم بەرۋ جۇيەسى بويىنشا الەمدە ءبىرىنشى ورىندا. بىزدە ماكگيلل ۋنيۆەرسيتەتى مەن ءال-فارابي اتىنداعى قازۇۋ اراسىندا تاماشا ىنتىماقتاستىق بار. كەلەسى جىلى سەمەيدە كالگاري ۋنيۆەرسيتەتىنىڭ فيليالىن اشۋ تۋرالى كەلىسىمگە قول جەتكىزىلدى. بۇل وتە ماڭىزدى سەرپىلىس. ءبىز وسى باعىتتا جۇمىستى جالعاستىرامىز», دەدى قازاقستاننىڭ كاناداداعى ەلشىسى اقىلبەك كامالدينوۆ. 

ۋنيۆەرسيتەت فيليالىندا قانداي ماماندىقتار بويىنشا وقۋعا بولاتىنىن ۋنيۆەرسيتەتتەردىڭ وزدەرى شەشەدى. قازىرگى ۋاقىتتا ساياسي شەشىم قابىلداندى.

جوعارى وقۋ ورىندارىنىڭ ەڭ ماڭىزدى رەيتينگتەرىنىڭ بىرىندە – دۇنيەجۇزىلىك ۋنيۆەرسيتەتتەر رەيتينگى ورتالىعى (CWUR) قۇراستىراتىن الەمدىك ۋنيۆەرسيتەتتەردىڭ اكادەميالىق رەيتينگىندە كالگاري كانادادا سەگىزىنشى, الەم بويىنشا 190-ورىندا. رەيتينگ دۇنيە جۇزىندەگى 20 مىڭعا جۋىق وقۋ ورىندارىنىڭ اراسىنان ەڭ ۇزدىك 2000 ۋنيۆەرسيتەتتى كورسەتەدى.

بيىلعى جىلدىڭ مامىر ايىندا قازاقستاننىڭ بارلىق جوعارى وقۋ ورىندارىنىڭ ىشىندە تەك نازارباەۆ ۋنيۆەرسيتەتى عانا الەمنىڭ 19,8 مىڭ ۋنيۆەرسيتەتى اراسىندا TOP-2000 رەيتينگىندە 1765-ورىنعا يە بولعان.