كوپبالالى وتباسىلاردىڭ قۋانىشى

– قازىر قىزىلوردا قالاسىندا قۇرىلىس قارقىندى ءجۇرىپ جاتىر. جىل سايىن ءزاۋلىم عيماراتتار سا­نى ارتىپ, جاڭا اۋداندار قاتارعا قوسى­لۋدا. مەملەكەت باسشىسىنىڭ سىر ەلىنە قولداۋى نەگىزىندە وبلىس ورتالىعىندا قالا كوركىن ەسەلەپ, اجارىن اشا تۇسەتىن بىرنەشە ءزاۋلىم عيماراتتىڭ ىرگەتاسى قالانىپ, جاڭا الەۋمەتتىك نىسان سالۋ باس­تاماسى ءساتتى جۇزەگە اسۋدا. بۇگىن سول جاعالاۋ ايماعىنان ىرگە تەپكەن ارەندالىق تۇرعىن ۇيدەن پاتەرلى بولعان جەرلەستەرىمدى قۇتتىقتاي وتىرىپ, شاڭىراقتارىڭىز شۋاق­تى بولسىن دەگەن تىلەگىمدى جەتكىزگىم كەلەدى, – دەدى ءوڭىر باسشىسى.

قوعام قايراتكەرى ايتباي كوشەر­باي تۇرعىنداردى قۋانىشىمەن قۇت­­تىقتادى. باسپانالى بولعاندار اتىنان ءسوز العان بەس بالانىڭ انا­سى ايگەرىم نۇرادينقىزى پەرزەنت­تەرىنىڭ جىلى ءارى كەڭ ۇيدە تۇرىپ, لايىقتى ءبى­لىم العانىن قالاعانىن ايتىپ, سول ار­مانىنا قول جەتكىزۋىنە سەبەپكەر بول­عان ەل اعالارىنا العىسىن جەتكىزدى.

وبلىستا «نۇرلى جەر» مەملە­كەتتىك باعدارلاماسى اياسىندا 1 764 پاتەردى قۇرايتىن 41 تۇرعىن ءۇي قۇ­رىلىسى جۇرگىزىلۋدە. ونىڭ ىشىندە 1 044 پاتەرلىك 26 ءۇي جىل اياعىنا دەيىن قولدانىسقا بەرىلمەك. جالپى, وسى جىلى وڭىردە قارجىلاندىرۋدىڭ بارلىق كوزى ەسەبىنەن 683 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانعان.

وبلىستا جاڭا الەۋمەتتىك نىساندار بوي كوتەرەتىن كۇن دە الىس ەمەس. كەلەر جىلدىڭ سوڭىنا قاراي سۇلتان بەيبارىس كوشەسىنىڭ بويىنان 1مىڭ ورىندىق ونەر ورتالىعى ەل يگىلىگى­نە بەرىلەدى. مۇندا سيمفونيالىق, ەسترادالىق جانە ۇلتتىق ونەر باعى­تىندا كونتسەرتتىك باعدارلامالار مەن ءتۇرلى فورماتتاعى قوعامدىق ءىس-شارالار دا وتكىزىلەدى.

زاماناۋي ۇلگىدەگى نەكە سارايى دا كەلەر جىلى ەسىگىن ايقارا اشادى. بەلگىلى كاسىپكەر, مەتسەنات مارات دۇيسەنباەۆتىڭ دەمەۋشىلىگىمەن قۇ­رىلىسى باستالعان «اناعا تاعزىم» ورتالىعى شاھاردىڭ اجارىن اشا تۇسەدى.

قىزىلوردا