قاراعاندى وبلىسىنىڭ اكىمى جەڭىس قاسىمبەك مەملەكەت باسشىسى قاسىم-جومارت توقاەۆقا ءوڭىر دامۋىنىڭ نەگىزگى كورسەتكىشتەرى جايلى ەسەپ بەردى, دەپ حابارلايدى Egemen.kz اقورداعا سىلتەمە جاساپ.
پرەزيدەنتكە ايماقتىڭ ونەركاسىپ, اۋىل شارۋاشىلىعى جانە ينۆەستيتسيا تارتۋ سالالارى قارقىندى دامىپ كەلە جاتقانى تۋرالى باياندالدى.
جەڭىس قاسىمبەكتىڭ ايتۋىنشا, بيىلعى 10 اي ىشىندە ونەركاسىپ ءونىمىن ءوندىرۋ كولەمى 3,1 تريلليون تەڭگەنى قۇرادى. وڭدەۋ ونەركاسىبىندەگى ءوندىرىس كورسەتكىشى 6,3 پايىزعا ارتتى. وسىلايشا, وبلىس ەكونوميكاسىنا 522,2 ميلليارد تەڭگە ينۆەستيتسيا تارتىلدى (8,5 پايىزعا كوبەيگەن), ونىڭ باسىم بولىگى (92 %) جەكە ينۆەستيتسياعا تيەسىلى.
ايتا كەتسەك, 2022 جىلدىڭ قاڭتار-قازان ايلارىندا وڭىردە 414,4 مىڭ شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ وسى كەزەڭىمەن سالىستىرعاندا 1,7 پايىزعا كوپ.
كەزدەسۋ بارىسىندا مەملەكەت باسشىسىنا قاراعاندى وبلىسىنىڭ اۆتوموبيل جولدارىن دامىتۋ, حالىقتى سۋمەن قامتاماسىز ەتۋ جونىندە مالىمەت بەرىلدى. جەڭىس قاسىمبەك «ارسەلورميتتال تەمىرتاۋ» كومپانياسىنداعى جاعداي تۋرالى دا باياندادى.
پرەزيدەنت اكىمگە ءوڭىر ەكونوميكاسىن ودان ءارى دامىتۋ جونىندە بىرقاتار تاپسىرما جۇكتەدى.