قوستاناي وبلىسىندا بارلىق سايلاۋ ۋچاسكەلەرى تاڭعى ساعات 7:00-دە جۇمىسىن باستادى, دەپ حابارلايدى Egemen.kz.
اۋماقتىق سايلاۋ كوميسسياسىنىڭ توراعاسى الەكساندر مالاشكونىڭ ايتۋىنشا, بۇگىندە وبلىستا 745 سايلاۋ ۋچاسكەسى بار.
قوستانايداعى №10 مەكتەپتە ازاماتتار تاڭنان بەرى داۋىس بەرۋدە. ولاردىڭ اراسىندا جاستار كوپ.
«بيىل سايلاۋعا ءبىرىنشى رەت قاتىسىپ وتىرمىن. مەن ءوز قۇقىعىمدى پايدالانىپ, ەلىمىزدىڭ بولاشاق پرەزيدەنتى ءۇشىن داۋىس بەرۋگە مۇمكىندىگىمنىڭ بار بولعانىنا قۋانىشتىمىن», دەيدى 18 جاستاعى قالا تۇرعىنى.
سايلاۋدىڭ زاڭدىلىعىن قامتاماسىز ەتۋ ءۇشىن بارلىق سايلاۋ ۋچاسكەلەرىندە بايقاۋشىلار جۇمىس ىستەيدى.