مەملەكەتتىك حاتشى ادىلبەك جاقسىبەكوۆتىڭ توراعالىعىمەن قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ بەيبىتشىلىك جانە پروگرەسس مەملەكەتتىك سىيلىعىن تاعايىنداۋ جونىندەگى رەسپۋبليكالىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىستا اتالعان سىيلىقتىڭ دارەجەسىن كوتەرۋ جانە نىعايتۋ, شەتەلدەردە وسىنداي ماراپاتتاردى تاعايىنداۋ تاجىريبەسى تۋرالى ماسەلەلەر قارالدى.
قارالعان ماسەلە بويىنشا ورتاق شەشىمدەر قابىلدانىپ, ءتيىستى مەملەكەتتىك ورگاندارعا الدا اتقارىلار جۇمىستار تۋرالى ناقتى تاپسىرمالار بەرىلدى.