ورتالىق سايلاۋ كوميسسياسىنىڭ توراعاسى نۇرلان ءابدىروۆ كەزەكتەن تىس پرەزيدەنت سايلاۋىن دايىنداۋ جانە وتكىزۋ ماسەلەلەرى بويىنشا پاۆلودار جانە اقمولا وبلىستارىنىڭ اۋماقتىق جانە ۋچاسكەلىك سايلاۋ كوميسسيالارىنا ينسپەكتسيالىق ساپارمەن باردى.
اتاپ ايتساق, ن.ءابدىروۆ پاۆلودار وبلىسىنىڭ بەسقاۋعا جانە شىدەرتى اۋىلدارىنداعى, اقمولا وبلىسىنىڭ مالتابار جانە ەرەيمەنتاۋ قالالارىنداعى بەس سايلاۋ ۋچاسكەسىندە بولدى. ساپار بارىسىندا ورتالىق سايلاۋ كوميسسياسىنىڭ باسشىسى اۋماقتىق جانە ۋچاسكەلىك سايلاۋ كوميسسيالارىنىڭ مۇشەلەرىمەن, سونداي-اق جەرگىلىكتى اتقارۋشى ورگانداردىڭ وكىلدەرىمەن جالپىحالىقتىق داۋىس بەرۋدى دايىنداۋ جانە وتكىزۋ ماسەلەلەرى بويىنشا كەزدەسۋلەر وتكىزدى.
ۋاكىلەتتى مەملەكەتتىك ورگاندار مەن سايلاۋ كوميسسيالارىنىڭ مۇشەلەرى وسك توراعاسىنا وڭىرلەردە سايلاۋشىلار تىزىمدەرى بويىنشا جۇرگىزىلىپ جاتقان جۇمىستاردى, سايلاۋدى ۇيىمداستىرۋ, ماتەريالدىق-تەحنيكالىق قامتاماسىز ەتۋ, مۇگەدەك ازاماتتار ءۇشىن سايلاۋ ۋچاسكەلەرىنىڭ فيزيكالىق قولجەتىمدىلىگى ءۇشىن قاجەتتى جاعدايلار جاساۋ, سايلاۋ بيۋللەتەندەرىن كۇزەتۋ جانە ۋاقتىلى جەتكىزۋ تۋرالى باياندادى.
ماسەلەن, پاۆلودار وبلىسىنىڭ اسك توراعاسى گۇلنار امانجولوۆا وڭىردەگى سايلاۋشىلار تىزىمىنە 510 847 ازامات ەنگىزىلگەنىن حابارلادى. 30 قازاندا سايلاۋشىلار ءتىزىمى اكت بويىنشا ءوڭىردىڭ بارلىق سايلاۋ ۋچاسكەسىنە بەرىلدى, ال 4 قاراشادان باستاپ ولار سايلاۋشىلارعا تانىسۋعا ۇسىنىلدى. ول سونداي-اق سايلاۋ ۋچاسكەلەرىنە 5 109 سىرتتاي كۋالىكتى دايىنداۋ جانە بەرۋ تۋرالى حاباردار ەتتى. اقپاراتتىق قامتاماسىز ەتۋ شەڭبەرىندە سايلاۋشىلاردىڭ مەكەنجايلارى بويىنشا ۋاقتىلى جەتكىزىلەتىن 409820 شاقىرۋ مەن پلاكات دايىندالىپ, ورنالاستىرىلعان. داۋىس بەرۋ كۇنى 225 سايلاۋ ۋچاسكەسىندە ازاماتتاردى تىركەۋدى تەكسەرۋ بويىنشا سەرۆيس, ال موبيلدىك حقكو-لاردىڭ 6 جۇمىسى ۇيىمداستىرىلادى. بەكىتىلگەن كەستەگە سايكەس سايلاۋ كوميسسيالارىنىڭ مۇشەلەرىن وقىتۋ بويىنشا جۇمىس جالعاسۋدا.
بەسقاۋعا اۋىلدىق ۋچاسكەلىك سايلاۋ كوميسسياسىنىڭ توراعاسى ايسۇلۋ ابىشەۆا اۋىلداعى سايلاۋشىلار تىزىمىندە مۇگەدەكتىگى بار ادامدار جوق ەكەنىن, بىراق سوعان قاراماستان سايلاۋ ۋچاسكەسىندە باسقا وڭىرلەردەن كەلگەن ازاماتتار ولارعا ەسەپتەن شىعارۋ كۋالىكتەرى بويىنشا جۇگىنگەن جاعدايدا مبا داۋىس بەرۋى ءۇشىن بارلىق جاعداي جاسالعانىن حابارلادى. شىدەرتى اۋىلىنداعى سايلاۋ ۋچاسكەسىندە دە مۇمكىندىگى شەكتەۋلى ازاماتتارعا قولايلى جاعداي قاراستىرىلعان. اتاپ ايتقاندا, داۋىس بەرۋگە ارنالعان ءۇي-جاي عيماراتتىڭ ءبىرىنشى قاباتىندا ورنالاستىرىلعان. عيماراتقا كىرەبەرىستە تىرەك فۋنكتسيالارى بۇزىلعان سايلاۋشىلاردىڭ قولجەتىمدىلىگىن ەسكەرە وتىرىپ, جاسىرىن داۋىس بەرۋگە ارنالعان تۇتقالار, پاندۋس, ءۇي-جايدا داۋىس بەرۋگە ارنالعان كابينالار, قوزعالتقىش اپپاراتى, ونىڭ ىشىندە كرەسلو-اربالاردى پايدالاناتىندار, قوسىمشا جارىقتاندىرۋ قۇرالدارى بار. نۇرلان ءابدىروۆ ەلىمىزدەگى داۋىس بەرۋگە ارنالعان بارلىق 10 101 ۋچاسكە برايل شريفتىمەن ارنايى ترافارەتتەرمەن قامتاماسىز ەتىلەتىنىن ەرەكشە اتاپ ءوتتى.
اقمولا وبلىسىنىڭ اسك توراعاسى ماناربەك ءسادۋوۆ ءوڭىر بويىنشا سايلاۋشىلار تىزىمىنە 517 031 ازامات ەنگىزىلگەنىن باياندادى. مۇندا دا 30 قازاندا سايلاۋشىلاردىڭ تىزىمدەرى اكت بويىنشا سايلاۋ ۋچاسكەلەرىنە بەرىلدى جانە 4 قاراشادان باستاپ سايلاۋشىلارعا تانىسۋعا ۇسىنىلدى. وبلىستىق اسك 5 170 ەسەپتەن شىعارۋ كۋالىگى دايىندالىپ, سايلاۋ ۋچاسكەلەرىنە بەرىلگەن. اقپاراتتىق قامتاماسىز ەتۋ شەڭبەرىندە 345 100 شاقىرۋ مەن پلاكات دايىندالىپ, ورنالاستىرىلعان, ولار الداعى كۇندەرى سايلاۋشىلاردىڭ مەكەنجايلارى بويىنشا جەتكىزىلەدى. داۋىس بەرۋ كۇنى 173 سايلاۋ ۋچاسكەسىندە ازاماتتاردى تىركەۋدى تەكسەرۋ بويىنشا سەرۆيس, ال موبيلدىك حقكو-لاردىڭ 5 جۇمىسى ۇيىمداستىرىلادى. سايلاۋ كوميسسيالارىنىڭ مۇشەلەرىن وقىتۋ بويىنشا جۇمىس بەكىتىلگەن كەستە بويىنشا جۇرگىزىلەدى.
ينسپەكتسيالىق ساپار اياسىندا نۇرلان ءابدىروۆ كوميسسيا مۇشەلەرىنىڭ نازارىن داۋىس بەرۋگە ارنالعان ءۇي-جايلاردىڭ تەك سايلاۋشىلار ءۇشىن عانا ەمەس, بايقاۋشىلار, سەنىم بىلدىرىلگەن ادامدار جانە بۇقارالىق اقپارات قۇرالدارىنىڭ وكىلدەرى ءۇشىن دە قولجەتىمدىلىگى مەن ىڭعايلىلىعىن قامتاماسىز ەتۋ قاجەتتىگىنە اۋداردى. سايلاۋدى ۇيىمداستىرۋ جانە وتكىزۋ ماقساتىندا قولدانىستاعى زاڭنامانىڭ قاتاڭ تالاپتارىنا سايكەس, داۋىس بەرۋگە ارنالعان جەكەلەگەن ءۇي-جايلاردى سول سايلاۋ ۋچاسكەسى شەگىندە سايلاۋ ۇدەرىسىنىڭ بارلىق قاتىسۋشىسى ءۇشىن نەعۇرلىم كەڭ جانە ىڭعايلى ءۇي-جايلارعا اۋىستىرۋ تۋرالى شەشىمدەر قابىلداندى.
ساپار بارىسىندا وسك توراعاسى سايلاۋشىلارعا تىزىمدەردە وزدەرىن تەكسەرۋگە مۇمكىندىك بەرەتىن ونلاين سەرۆيستەردىڭ جۇمىسىن تەكسەرىپ, سايلاۋ كوميسسيالارى مۇشەلەرىن ەلەكتورالدىق وقىتۋ ناتيجەلەرىمەن تانىستى.
كەزدەسۋلەردىڭ قورىتىندىسى بويىنشا نۇرلان ءابدىروۆ اۋماقتىق جانە ۋچاسكەلىك سايلاۋ كوميسسيالارىنىڭ توراعالارىنا ۋچاسكەلەردى اقپاراتتىق-تەحنيكالىق جاراقتاندىرۋ, ولاردىڭ ازاماتتار ءۇشىن, ونىڭ ىشىندە مۇمكىندىگى شەكتەۋلى ادامدار ءۇشىن قولجەتىمدىلىگى مەن ىڭعايلىلىعى, داۋىس بەرۋ كۇنى ءتيىمدى بايقاۋ ءۇشىن جاعدايلاردى قامتاماسىز ەتۋ جونىندە بىرقاتار ناقتى تاپسىرما بەردى.