31 قازاندا قوستاناي-ەكاتەرينبۋرگ باعىتىنداعى جولدا 22 جولاۋشىسى بار اۆتوبۋس اۋدارىلىپ قالدى, دەپ حابارلايدى Egemen.kz.
بۇل تۋرالى رەسەي ىشكى ىستەر مينيسترلىگىنىڭ چەليابى وبلىسى بويىنشا باس باسقارماسى مالىمدەدى. جولداعى تايعاقتىڭ كەسىرىنەن جۇرگىزۋشى رۋلگە يە بولا الماي, شۇڭقىرعا ءتۇسىپ كەتكەن.
«جول اپاتى سالدارىنان 13 جولاۋشى مەديتسينالىق كومەككە مۇقتاج بولدى. ولار چەليابى, كۋناشاك جانە كاسلي اۋداندارىنداعى مەديتسينالىق مەكەمەلەرگە جەتكىزىلدى. قوستانايدان ەكاتەرينبۋرگكە ۆاحتالىق ادىسپەن جۇمىس ىستەۋگە بارا جاتقان اۆتوبۋستا بارلىعى 22 جولاۋشى بولعان», دەپ جازىلعان حابارلامادا.
اۆتوبۋستى 38 جاستاعى ەكاتەرينبۋرگ تۇرعىنى باسقارعان. ونىڭ 12 جىل كولىك جۇرگىزۋ ءوتىلى بار, جول ەرەجەسىن بۇزعانى ءۇشىن ەشقاشان اكىمشىلىك جاۋاپكەرشىلىككە تارتىلماعان.