سەۋلدەگى حەللوۋين مەرەكەسى كەزىندە قازا تاپقاندار سانى ءوسىپ جاتىر. قازىرگى ۋاقىتتا ولاردىڭ سانى 154 ادامعا جەتتى, دەپ حابارلايدى Egemen.kz رەنحاپ اگەنتتىگىنە سىلتەمە جاساپ.
«جەرگىلىكتى پوليتسيانىڭ مالىمەتى بويىنشا, قازا تاپقاندار سانى 154 ادامعا جەتتى», دەلىنگەن اگەنتتىك حابارلاماسىندا.
153 ادامنىڭ جەكە باسى انىقتالدى. قايتىس بولعانداردىڭ قاتارىندا 14 ەلدەن 26 شەتەلدىك بار.
قازا تاپقانداردىڭ اراسىندا قازاقستان ازاماتى دا بولعانى حابارلانعان ەدى.
قۇربان بولعان 154 ادامنىڭ 98-ءى ايەل ادامدار. تاعى 56-سى ەر ادامدار. سونداي-اق 133 ادام ءتۇرلى دەنە جاراقاتتارىن الدى.
پوليتسەيلەردىڭ ايتۋىنشا, قۇربان بولعانداردىڭ سانى ارتۋى مۇمكىن.
سوڭعى دەرەكتەرگە قاراعاندا وقيعا ورىن العان يتەۆون اۋدانىندا 100 مىڭعا جۋىق ادام بولعان.