تالدىقورعان قالاسىنداعى فيزيكا-ماتەماتيكالىق باعىتتاعى نازارباەۆ زياتكەرلىك مەكتەبىنىڭ سوڭعى قوڭىراۋ مەرەكەسىنە ارنالعان «قوش بول, التىن ۇيا مەكتەبىم!» اتتى سالتاناتتى جيىنى بولىپ ءوتتى.
ونىڭ ءبىرىنشى ەرەكشەلىگى – قازاق جانە اعىلشىن تىلدەرىندە جۇرگىزىلدى. اتىنا زاتى ساي وسىناۋ وقۋ ورداسى مەكتەپ ماقتانىشتارى, حالىقارالىق, رەسپۋبليكالىق ءپان وليمپيادالارىنىڭ جەڭىمپازدارى, عىلىمي جوبالار جارىسىنىڭ جەڭىمپازدارىمەن دە ماقتانا الادى. ءسويتىپ, وڭىردەگى وزگە ءبىلىم شاڭىراقتارىنان بيىكتىگىن كورسەتىپ, مەملەكەتتىك تالاپقا ساي وسكەلەڭ ۇرپاقتى ءبىلىم نارىمەن سۋسىنداتىپ جاتقانىن تاعى ءبىر مارتە كورسەتە الدى.
مەرەكەلىك شاراعا الماتى وبلىستىق ءبىلىم باسقارماسىنىڭ باسشىسى جانداربەك دالاباەۆ, تالدىقورعان قالاسىنىڭ اكىمى ەرمەك الپىسوۆ ارنايى كەلىپ قاتىسىپ, تۇلەكتەر قۋانىشىن ءبولىستى. البەتتە, مەكتەپ ديرەكتورى گۇلايىم بايجيكەنوۆا باستاعان ۇستازدار مەن اتا-انالار قۇتتىقتاۋ ءسوزدى ادەمى جالعاستىردى. سونىمەن, ايتۋلى ءبىلىم ورداسىنان تاعى ءبىر لەك تۇلەكتەر قانات قاقتى.
نۇربول الدىباەۆ,
«ەگەمەن قازاقستان».
الماتى وبلىسى.