مەملەكەت باسشىسى ءۇرىمشى قالاسىندا بولعان تەررورلىق وقيعاعا بايلانىستى قىتاي حالىق رەسپۋبليكاسىنىڭ توراعاسى سي تسزينپينگە كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
جەدەلحاتتا نۇرسۇلتان نازارباەۆتىڭ ءۇرىمشى قالاسىندا 22 مامىردا بولعان تەررورلىق وقيعا سالدارىنان كوپتەگەن كىناسىز جاندار قۇربان بولعانى جانە زارداپ شەككەنى تۋرالى قايعىلى حاباردى كۇيزەلە قابىلداعانى ايتىلادى.
مەملەكەت باسشىسى قحر توراعاسى سي تسزينپينگە, سونىمەن قاتار قازا تاپقانداردىڭ تۋعان-تۋىستارىنا قايعىرىپ كوڭىل ايتىپ, زارداپ شەككەندەردىڭ تەزىرەك ساۋىعىپ كەتۋىن تىلەيدى.
«قازاقستان ەلدەرىمىزدىڭ بەيبىت ءومىرى مەن قاۋىپسىزدىگىن قامتاماسىز ەتۋ ماقساتىندا قازىرگى زامان قاۋىپ-قاتەرلەرىنە قارسى كۇرەستە قىتايمەن تىعىز ىنتىماقتاستىققا ارقاشان دايىن ەكەندىگىن اتاپ ايتقىم كەلەدى», دەلىنگەن جەدەلحاتتا